«Azamattarǵa arnalǵan úkimet» memlekettik korporatsiiasy zeinetkerlikti proaktiv ádisimen rásimdeý boiynsha pilottyq jobany iske qosty, dep habarlaidy "Ult aqparat" memlekettik korporatsiianyń baspasóz qyzmetine silteme jasap.
Atalǵan pilotty júzege asyrý jónindegi birlesken buiryqqa QR Tsifrlyq damý, innovatsiialar jáne aeroǵarysh ónerkásibi ministrligi men QR Eńbek jáne halyqty áleýmettik qorǵaý ministrligi qol qoidy. Joba ázirge «Azamattarǵa arnalǵan úkimet» memlekettik korporatsiiasynyń zeinet jasyna jetetin qyzmetkerlerin qamtidy. Búginde korporatsiiada 22 myń qyzmetker jumys isteidi.
«Zeinetkerlikke shyǵý barysynda dástúrli túrde HQO arqyly jasyna bailanysty zeinetaqy tólemderin, memlekettik bazalyq zeinetaqy tólemderin jáne biryńǵai jinaqtaýshy zeinetaqy qorynan zeinetaqy tólemderin taǵaiyndaý memlekettik qyzmetteri rásimdeledi. Budan bylai halyqqa qyzmet kórsetý ortalyǵyna barý qajettiligi bolmaidy.
Zeinet jasyna tolǵanǵa deiin 10 kún buryn bolashaq zeinetkerge qyzmetti proaktivti túrde rásimdeýge usynys bildiretin SMS habarlama joldanady. Kelisim berilgen jaǵdaida, kadr bólimine aldyn ala tapsyrylǵan qujattar elektrondy túrde jaýapty memlekettik organnyń maquldaýyna jiberiledi», delingen habarlamada.
Aita keteiik, zeinetker jumys berýshisiniń kadr bólimine aldyn ala eńbek ótili, zeinetkerlik júiege qatysýy siiaqty málimetterdi usynady, bul aqparat, óz kezeginde, eńbek kelisimderin esepke alý biryńǵai júiesine engiziledi.
Atalǵan ádis arqyly memlekettik korporatsiianyń eki qyzmetkeri zeinetkerlikke shyǵyp úlgerdi. Tiisti SMS habarlamalardy alǵandardyń qatarynda astanalyq áleýmettik qamsyzdandyrý bóliminiń jetekshisi Raihan Joldyqulova men Aqmola oblysy filialynyń jer kadastry bóliminiń qyzmetkeri Liýbov Shestaeva bar.
«Korporatsiiamyz tsifrlyq jańashyldyqtardyń únemi basy-qasynda júredi. Biraq dál osy zeinetkerlikke shyǵý jobasynyń alǵashqy qatysýshysy bolamyn dep oilamappyn. Zeinet jasyna jetkende qanshama qujattyń mashaqaty baryn bilemin. Barlyǵy sms-pen sheshilgenine qýanyshtymyn», – deidi zeinetker Raihan Joldyqulova.
Pilottyq joba qorytyndysy boiynsha onyń ózge mekemelerge taralýy boiynsha sheshim qarastyrylady.
