Zeinetaqy jinaǵynan artylǵan qarajatty alý resmi jumys isteýdiń mańyzdy ekenin kórsetti. Bul týraly «Otbasy bank» AQ basqarma tóraǵasy Lázzat Ibragimova aityp berdi, dep habarlaidy QazAqparat.
«Óz aqshasyn zeinetaqy qorynda qaldyrǵandar da durys sheshim qabyldady dep sanaimyn. Ár adamnyń jaǵdaiyna jeke-dara qaraý kerek. Eger bul sizdiń alǵashqy baspanańyz bolsa, árine, ony satyp alý qajet boldy. Biraq salymshylarymyzdyń jas erekshelikterine qarap, basym bóligi ekinshi nemese úshinshi páter alǵanyn kórdik. Tolyq tólem jasaǵan salymshylardyń kópshiligi 45 jastan asqan. Degenmen, olardyń kóbine investitsiialyq basqarýǵa berý, zeinetaqy annýitetin satyp alý optsiiasyn paidalaný kerek edi dep esepteimin», - dedi Lázzat Ibragimova ortalyq kommýnikatsiialar qyzmetinde ótken baspasóz máslihatynda.
Sonymen birge, spikerdiń aitýynsha, bul baǵdarlama qazaqstandyqtardyń BJZQ-daǵy aqshasy tolyq saqtalǵanyn kórsetti.
«Óte kóp syn aitylyp jatyr. Keibiri aqsha joq, barlyǵy baǵaly qaǵazdarda dep jazdy. Shyn máninde barlyq qarajat saqtaýly tur. Qazirgi ýaqytta Biryńǵai jinaqtaýshy zeinetaqy qory – zań boiynsha aqshanyń saqtalýyna memlekettik kepildigi bar jalǵyz memlekettik mekeme. Sondai-aq, bul resmi túrde jalaqy alýdyń qanshalyqty mańyzdy ekenin kórsetti. 2000 jyldardyń basynda tipti az jalaqy alǵan barlyq azamattar da aitarlyqtai úlken investitsiialyq tabys aldy», - deidi L. Ibraimova.
L. Ibragimova óziniń eńbek jolynan mysal keltirip, 1995 jylǵy 9 sáýirden bastap jumys isteitinin jáne zeinetaqy jinaqtaryn alý baǵdarlamasyn ózi de paidalanǵanyn aitty.
«Mende zeinetaqy jinaqtarynyń jetkilikti somasy boldy, ásirese 1998-2005 jyldary úsh-tórt jumysta qyzmet ettim, birneshe ýniversitette sabaq berdim jáne investitsiialyq tabysym búkil zeinetaqy jinaǵynyń 30 paiyzynan astam jinaldy», - dedi Lázzat Ibragimova.
