Biyldan bastap Qazaqstan azamattary Biryńǵai jinaqtaýshy zeinetaqy qoryndaǵy jinaqtarynyń bir bóligin paidalana alady. Osy oraida qordaǵy qarjyny merziminen buryn maqsatty paidalanýǵa qatysty el halqyna biylǵa arnalǵan «jetkiliktilik shektiń» kestesin jariialady, dep jazady QazAqparat.
Eske salsaq, 2020 jyldyń qyrkúiek aiynda atalǵan «jetkiliktilik shektiń» aldyn ala jobasy taratylǵan edi.
Búgin jariialanǵan kestede qarjy somasyna qatysty birshama ózgeris bar ekendigi baiqalyp otyr.
Maqsatty paidalaný úshin qoljetimdi zeinetaqy jinaqtarynyń somasy týraly aqparatty jáne zeinetaqy jinaqtarynyń jai-kúii týraly derekterdi mynadai tásildermen alýǵa bolady:
1. BJZQ saity jáne salymshynyń Jeke kabineti arqyly. Ol úshin JSN men qupiiasózdi engizý qajet, nemese elektrondyq tsifrlyq qoltańba (ETsQ) bolýy kerek.
Sonymen qatar, zeinetaqy jinaqtarynyń jaǵdaiy týraly aqparat alýǵa múmkindik beretin qosymsha cabinet.enpf.kz/porog týraly aqparat taratylǵan, iaǵni onda zeinetaqy shotyndaǵy qaldyq, shekti soma, alýǵa bolatyn soma qamtylady. Bul aqparatty alý úshin tek ESQ kiltimen qol qoiý kerek. ESQ-ny Ulttyq sertifikattaý ortalyǵynyń saitynda alýǵa bolady.
2. Zeinetaqy jinaqtarynyń jai-kúii týraly aqparat egov.kz saitynda jáne eGov mobile mobildi qosymshasy arqyly qoljetimdi. Ol úshin paidalanýshylarǵa elektrondy-tsifrlyq qoltańba (ETsQ) qajet.
Egov.kz saitynyń bas mázirinde «Áleýmettik qamsyzdandyrý», odan ári «Zeinetaqymen qamsyzdandyrý» qosymsha betine ótińiz, odan keiin «Biryńǵai jinaqtaýshy zeinetaqy qory salymshysynyń zeinetaqy jinaqtarynyń (investitsiialyq kiristi eskere otyryp) jai-kúii týraly aqparat berý» qosymsha paraqshasy arqyly nemese silteme boiynsha ótip bilýge bolady.
eGov mobile mobildi qosymshasynyń «Qyzmetter», odan ári «Jumysqa ornalastyrý jáne jumyspen qamtý» bólimine ótińiz, sodan keiin «Biryńǵai jinaqtaýshy zeinetaqy qory salymshysynyń zeinetaqy jinaqtarynyń (investitsiialyq kiristi eskere otyryp) jai-kúii týraly aqparat» qosymsha betine ótý arqyly.
3. Maqsatty paidalanýǵa qoljetimdi soma týraly málimetterdi @enpf telegram-bot kómegimen alýǵa bolady.
BJZQ salymshylary 1418 qysqa nómiri boiynsha (Qazaqstan boiynsha qońyraý shalý tegin) bailanys ortalyǵy arqyly keńes ala alady, sondai-aq qajet bolǵan jaǵdaida BJZQ-nyń jaqyn jerdegi bólimshesine júgine alady. Barlyq mekenjailar men bailanystar Qor saitynda qoljetimdi.
Jinaq qai maqsattarǵa beriledi
Qazirgi kezde Memleket basshysynyń azamattarǵa zeinetaqy jinaqtarynyń bir bóligin turǵyn úi jaǵdailaryn jaqsartýǵa, emdelýge nemese jeke qarjy kompaniialarǵa basqarý úshin bólýge múmkindik berý tapsyrmasy oryndalyp jatyr. 2020 jylǵy 28 jeltoqsanda osy taqyrypta jaýapty vedomstolardyń ókilderi túsinik bergen bolatyn. Endi Zańǵa sáikes 2021 jyldan bastap qazaqstandyqtarǵa zeinetaqy jinaqtarynyń bir bóligin atalǵan maqsattarda paidalaný quqyǵy berilip otyr.
Zańǵa sáikes 2021 jyldan bastap qazaqstandyqtarǵa zeinetaqy jinaqtarynyń bir bóligin atalǵan maqsattarda paidalaný quqyǵy beriletin bolady.
Zeinetaqy jinaqtarynyń bir bóligin naqty qajettilikterge paidalaný quqyǵyn kelesi azamattar paidalana alady:
- jumys isteitin, tiisti jasta zeinetaqy jinaqtary «jetkiliktilik sheginen» asatyn azamattar;
- saqtandyrý kompaniialarymen BJZQ-da qalǵan zeinetaqy jinaqtarynyń somasy sheginde ómir boiy annýitettik tólemderdi qamtamasyz etetin zeinetaqy annýiteti sharttaryn jasasqan adamdar;
- zeinetkerlikke shyqqan azamattar - BJZQ-da qalǵan zeinetaqy qarajatynyń 50%-ynan aspaityn shekte. Eger olardyń zeinetaqysynyń jiyntyq mólsheri (jasyna bailanysty nemese eńbek sińirgen jyldary úshin zeinetaqyny, bazalyq zeinetaqyny qosa alǵanda) joǵalǵan tabysty halyqaralyq standarttarǵa sáikes keletin deńgeide (keminde 40%-ǵa) almastyrýdy qamtamasyz etken jaǵdaida.
Belgili bir jastaǵy salymshy úshin onyń tabysynan BJZQ-ǵa aldaǵy 10% turaqty zeinetaqy jarnalaryn (eń tómengi jalaqydan az emes) eskere otyryp, eń tómengi zeinetaqy mólsherinen az bolmaityn zeinetaqy tólemderimen qamtamasyz etýge múmkindik beretin zeinetaqy jinaqtarynyń eń tómengi qajetti somasy «jetkiliktilik shegi» retinde qarastyrylady. «Jetkiliktilik shegi» áielder men erler úshin birdei belgilenedi jáne árbir jas úshin esepteledi. Bul rette ol qalyptasqan parametrlerge (kiristilik, infliatsiia, eń tómengi tólem mólsheri jáne t. b.) súiene otyryp, jańa alýshylar úshin qaita esepteletin bolady.
«Zańda sondai-aq joǵaryda atalǵan sanattaǵy azamattar zeinetaqy jinaqtarynyń bir bóligin ózderi, jubailary nemese jaqyn týystary (atasy/ájesi, ata-anasy, balalary, nemereleri, aǵa-inisi/apa-sińlisi) úshin turǵyn úi jaǵdailaryn jaqsartý maqsatynda nemese emdelýge aqy tóleýge paidalana alady dep kózdelgen. Maqsatty paidalaný úshin kórsetilgen otbasy músheleriniń qarajatyn biriktirýge bolady», - dedi QR Eńbek jáne halyqty áleýmettik qorǵaý birinshi vitse-ministri Aqmádi Sarbasov ortalyq kommýnikatsiialar qyzmetindegi brifingide.
2020 jylǵy 1 jeltoqsandaǵy jaǵdai boiynsha mynadai sandardy keltirýge bolady: 761 myńnan astam adam merziminen buryn paidalaný quqyǵyn qoldana alady, olardyń shottarynda 2,4 trln teńgeden astam qarajat bar.
«Otbasy bank» turǵyn úi qurylys jinaq banki» AQ basqarma tóraǵasy Lázzat Ibragimovanyń aitýynsha, 2021 jyldyń qańtarynda «Otbasy bank» turǵyn úi jaǵdaiyn jaqsartý úshin zeinetaqy jinaǵyn paidalanýǵa arnalǵan onlain-platformany iske qosady.
«2021 jyldyń qańtar aiynan otbasy turǵyn úi jaǵdaiyn jaqsartý maqsatynda onlain-platformany iske qosý josparlanǵan. Joba erejelerine sáikes, klient ótinish tapsyrǵan kezde sol onlain-platformada arnaiy portalǵan kirip, elektrondyq-tsifrlyq qoltańba arqyly avtorizatsiiadan ótip, jeke kabinetke kiredi. Jeke kabinette ol qarajatty qandai maqsatta paidalanatynyn tańdaidy jáne skanerden ótkizilgen kóshirmeler túrinde aldyn ala daiyndalýy tiis qujattardyń tizimimen tanysady. Ár maqsattyń jeke qujattar tizimi bar», - dep túsindirdi L. Ibragimova.
Jinaqty em-domǵa jumsaýdyń tártibi aiqyndaldy.
«Eger biryńǵai zeinetaqy tólemderiniń jetkiliktik shegi em alýǵa paidalanýǵa jetkilikti bolsa, onda azamat óziniń emhanasyna baryp, birjolǵy zeinetaqy tólemderi esebinen em-dom alýǵa baǵyttaý týraly dárigerlik komissiianyń qorytyndysyn alýy kerek», - dedi QR DSM Meditsinalyq kómekti uiymdastyrý departamenti direktorynyń orynbasary Gúlnar Sársenbaeva.
Osy oraida aqysy qymbat qyzmetterdiń sanatyna engen meditsinalyq em-dom jasaý tizimin atady. Olardyń arasynda orfandyq, iaǵni sirek kezedesin aýrýlardy emdeý, stomatologiialyq qyzmetter, rekonstrýktivti ári qalpyna keltirý operatsiialary (plastikalyq), meditsinalyq saýyqtyrý qamtylǵan. Saýyqtyrýǵa barǵan azamattar Qazaqstan aýmaǵyndaǵy meditsinalyq uiymdar men shipajailarda bolady.
Munymen qosa, zeinetaqy jinaǵynyń bir bóligi esebinen oftalmologiialyq qyzmetter baǵytynda paidalanýǵa bolady.
«Bul tizim turǵyndar arasyndaǵy suranysqa qarai ózgerýi múmkin. Ótinish berýshi kelesi qadamda óziniń qalaýy boiynsha meditsinalyq uiymdy tańdaidy, onyń ishinde sheteldik uiymdar da bolýy yqtimal. Azamat ETsQ kómegimen ýákiletti operatordyń internet resýrsynda avtorizatsiiadan ótip, óziniń jeke kabinetin aýshy tiis. Jeke kabinette tiisti somamen birjolǵy zeinetaqy tólemine elektrondy ótinimdi toltyryp, dárigerlik komissiia qorytyndysynyń kóshirmesi men em-dom jasaityn meditsinalyq uiymmen shartty belgileý kerek», - dedi ol.
Eske salsaq, 2 qańtarda QR Prezidenti zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵyn baspanaǵa jumsaýǵa arnalǵan onlain-platforma iske qosylady. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
