Birjolǵy zeinetaqy tólemderine ipotekasyn baspana satyp alýǵa 28 myńnan astam ótinim tústi. Bul týraly búgin turǵyn úi saiasatynyń jańa tásilderi qaralǵan Úkimet otyrysynda «Otbasy banki» basqarmasynyń tóraǵasy Lázzat Ibragimova aitty, dep habarlaidy «Ult aqparat».
«Qazirgi tańda qarqyndy túrde iske asyryp jatqan birjolǵy zeinetaqy tólemderin paidalaný boiynsha kórsetkishter kelesidei: kelip túsken ótinimderdiń eń kóp úlesi, birinshi ipotekalyq qaryzdy óteý – 35 myńnan astam ótinim; ipotekasyz turǵyn úi satyp alý – 28 myńnan astam ótinim, týysqa jinaqtardy berý – 20 myńnan astam ótinim. 2021 jylǵy 19 aqpandaǵy jaǵdaiǵa sáikes, zeinetaqy qorynan 564 mlrd teńge somasyna 98 myń ótinim jiberildi. 145 mlrd teńge somasyna 28 myń ótinim júzege asty. Iaǵni, klientter rastaityn qujattardy usyndy», - dedi ol.
Onyń aitýynsha, byltyr naryqta turǵyn úi satyp alý jáne satýdyń 307 884 mámilesi jasaldy.
«2021 jyldyń 19 aqpanyndaǵy jaǵdai boiynsha zeinetaqyǵa turǵyn úi satyp alýǵa bailanysty maqsatqa 38 myń ótinim jiberildi. Halyqtyń turǵyn úi máselelerin sheshýge qoljetimdilikti arttyrý maqsatynda kelesi usynystar jasaldy jáne olar qoldaý tapty. Birinshi - salymshylardyń turǵyn úi qurylysy jinaqtaryn toltyrý úshin birjolǵy zeinetaqy tólemderin bank júiesine salý. Ekinshi – jeke qarjylandyrý kózderin paidalaný arqyly 2-3 jyldyń ishinde jeke turǵyn úi qurylysyn ulǵaitýǵa múmkindik beretin jer ýchaskesin alý úshin birjolǵy zeinetaqy tólemderin paidalanýdy jeke maqsat retinde bólý», - dedi Lázzat Ibragimova.
