Zeinetaqy, memlekettik járdemaqy jáne ataýly áleýmettik kómek mólsheri 10 paiyzǵa indeksatsiialanady. Bul týraly respýblikalyq telearnalardyń efirinen elimizdegi tótenshe jaǵdaiǵa jáne memlekettiń daǵdarysqa qarsy is-sharalaryna bailanysty málimdemesinde Prezident Qasym-Jomart Toqaev aitty, dep habarlaidy "Ult aqparat".
«Men buǵan deiin daǵdarysqa qarsy alǵashqy sharalar toptamasyn jariialadym. Jaǵdaidyń ýshyǵa túskenin eskerip, azamattarǵa jáne bizneske odan ári qoldaý kórsetý jóninde mynadai qosymsha sheshimder qabyldadym. Infliatsiianyń artýyna bailanysty zeinetaqy, memlekettik járdemaqy jáne ataýly áleýmettik kómek mólsherin 10 paiyzǵa indeksatsiialaýdy tapsyrdym. Osyǵan orai, atalǵan sanattaǵy azamattardyń tabysyn arttyrý úshin memleket tarapynan 200 milliard teńgeden astam qarajat bólinedi», - dedi Prezident.
