Threads áleýmettik jelisinde kiiz úilerdiń janynda túsirilgen beinejazba keńinen tarap, jeli qoldanýshylary arasynda túrli pikirtalasqa sebep bold, dep habarlaidy ult.kz.
Videoda bir top qyz-kelinshektiń daladaǵy aǵash kóleńkesinde, jerge tóselgen pakettiń ústine qoiylǵan palaýdy otyryp jep otyrǵany kórinedi. Kadrlardan oqiǵanyń ulttyq naqyshta bezendirilgen kiiz úilerdiń mańynda ótkenin ańǵarýǵa bolady. Alaida kópshiliktiń nazaryn áielderdiń arnaiy dastarhansyz nemese ústelsiz, tikelei jerge jaiǵasyp tamaqtanýy aýdarǵan.
Jeli qoldanýshylary bul jaǵdaiǵa ártúrli baǵa berdi. Biri muny uiymdastyrýdaǵy kemshilik dep sanap, qonaqtarǵa, ásirese áielderge qolaily jaǵdai jasalýy tiis ekenin jazdy. Olardyń pikirinshe, mundai kórinis qazaqy qonaqjailyq pen ulttyq dástúrge sai kelmeidi.
Al endi bir top qoldanýshy oqiǵanyń mán-jaiyn tolyq bilmei turyp asyǵys qorytyndy jasaýǵa bolmaitynyn aityp, videodan ǵana tutas jaǵdaidy baǵalaý durys emes degen pikir bildirdi.
Áleýmettik jelide taraǵan málimetke sáikes, beinejazbadaǵy qyz-kelinshekter Almaty oblysynyń turǵyndary ekeni aitylǵan.
