Zerendide 150-den astam adam men tikushaq orman órtin sóndirdi, dep habarlaidy TJD baspasóz qyzmeti.
Baspasóz qyzmetiniń málimetinshe, 25 tamyzda «Kókshetaý» MUTP Zerendi filialynyń Gribnovskoe orman sharýashylyǵy aýmaǵynda orman órtengen, onyńsóndirýge 154 adam men órt desanty bar tikushaq qatysqan.
Orman órtin joiýǵa 20 tehnika, 1 tikushaq jáne jeke quramnyń 142 adamy, onyń ishinde Aqmola oblysy TJD-synyń 5 tehnikasy jáne 51 adamy, 6 tehnika jáne orman mekemeleriniń 54 qyzmetkeri, «Qazaviaormanqorǵaý» AQ-nyń 1 tikushaǵy, jergilikti atqarýshy organdardyń 7 tehnikasy men 33 adamy jáne órtke qarsy qurylymdardyń 2 tehnikasy men 4 qyzmetkeri tartyldy», delingen habarlamada.
Órttiń sóndirý ońaiǵa soqpady, sebebi qatty jel men aǵashtardyń basy órtenýi kedergi keltirdi «Alaida, jedel is-qimyldar men kúshter men quraldardyń ýaqtyly jumyldyrylýynyń arqasynda órt saǵat 18.50-de oqshaýlandy, qazirgi ýaqytta orman ishin barlaý júrgizilýde. Ormannyń 7 gektaryn órt sharpyǵan», delingen habarlamada.
Mamandar «órtep jiberdi» degen boljam jasap otyr. Órt bolǵan jerde Zerendi aýdandyq politsiia bóliminiń jedel tergeý toby jumys isteidi.
Eske sala keteiik, Aqmola oblysynda aýa raiynyń ystyq bolýyna bailanysty órt qaýpiniń deńgeii joǵary. Tótenshe jaǵdailar departamenti orman alqaptarynda órt qaýipsizdigin saqtaý qajet ekenin eskertedi.
