23 shildede áleýmettik jelilerde Adilet Mekanov esimdi qoldanýshy Instagram paraqshasynda Osh qalasyna qarasty aýyldardyń birinde bolǵan otbasylyq zorlyq-zombylyqqa qatysty beinejazbany jariialady, dep habarlaidy ult.kz.
Atalǵan derek sol kúni Osh qalalyq politsiia basqarmasynyń Sýlaiman-Too politsiia bólimine tirkelip, sotqa deiingi tekserý bastaldy.
Tekserý barysynda beinejazbada kórsetilgen azamattardyń Osh qalasynyń turǵyndary ekeni anyqtaldy. Olar – 1990 jyly týǵan T.J., onyń jubaiy 1996 jyly týǵan D.A. jáne olardyń 2020 jyly týǵan uly M.U.
Sondai-aq tergeý barysynda áleýmettik jelide 2026 jylǵy 23 shildede jariialanǵan beinejazbadaǵy oqiǵanyń shyn máninde 2023 jylǵy 22 jeltoqsanda túsirilgeni belgili boldy.
Budan bólek, qazirgi ýaqytta erli-zaiyptylardyń birge turmaityny anyqtaldy. Áieli D.A. politsiiaǵa aryz jazýdan bas tartqan.
Soǵan qaramastan, otbasylyq zorlyq-zombylyqqa qatysty barlyq mán-jaidy jan-jaqty, tolyq ári obektivti anyqtaý maqsatynda azamat T.J.-ǵa qatysty sotqa deiingi tekserý jumystary jalǵasyp jatyr.
