Onyń aitýynsha, bul kelissóz neǵurlym erte bolsa, Reseidiń shyǵyny da az bolady.
Sondai-aq, Zelenskii Reseidiń Ýkrainaǵa qarsy qaqtyǵysynyń toqtamaýy Batystyń Máskeýge salǵan sanktsiialarynyń jetkiliksiz ekenin kórsetip otyrǵanyn, álem Ýkrainada bolyp jatqan oqiǵalardy tek alystan baqylap otyrǵanyn málimdedi, dep jazady Reuters.
Qorytyndylai kele, Ýkraina basshysy Reseimen Ýkrainanyń beitarap mártebesi týraly máseleni talqylaýdan qoryqpaitynyn atap ótti.
Sonymen qatar, Zelenskii "Býharest toǵyzyna" óz eline qorǵanys kómegin surady. Saiasatker muny Polsha prezidenti Andjei Dýdamen talqylaǵanyn Twitter-de jazdy.
"Biz óz erkindigimiz ben jerimizdi qorǵaimyz. Biraq bizge tiimdi halyqaralyq kómek qajet. Men "Býharest toǵyzyna" qorǵanys kómegi kerek ekenin aittym. Biz birge Reseidi kelissóz ústeline otyrǵyzýymyz kerek", - dep jazdy Zelenskii.
"Býharest toǵyzy" - NATO-nyń shyǵys flangyndaǵy elder arasyndaǵy áskeri yntymaqtastyqty tereńdetý úshin qurylǵan Ortalyq jáne Shyǵys Eýropanyń toǵyz eliniń birlestigi. Qaýymdastyqqa Bolgariia, Vengriia, Estoniia, Litva, Latviia, Polsha, Rýmyniia, Slovakiia jáne Chehiia kiredi.
