Ýkraina Prezidentiniń 25 sáýirdegi jarlyǵymen qazaqstandyq erikti Jasulan Dúisembin úshinshi dárejeli «Erligi úshin» ordenimen marapattaldy, dep habarlaidy Ulysmedia.kz.
30 jastaǵy Jasulan - Qostanai oblysynyń týmasy. Ol Resei áskeri basyp kirgeli beri Donetsk oblysyndaǵy Ýkraina Qarýly kúshteriniń qatarynda soǵysýda.
Aita ketelik, maýsym aiynyń basynda Nur-Sultan qalalyq UQK departamenti Ýkrainada soǵysyp jatqan qazaqstandyqqa qarsy sotqa deiingi tergeý amaldaryn bastaǵan bolatyn.
UQK qazaqstandyqtyń aty-jónin jáne qai tarapta soǵysyp jatqanyn jariialaǵan joq. Alaida, qazirgi tańda esimi elge belgili jalǵyz qazaqstandyq eriktiniń Jasulan Dúisembin ekeni anyqtaldy.
Eske sala keteiik, 24 aqpanda Resei prezidenti Vladimir Pýtin Ýkraina aýmaǵynda «arnaiy áskeri operatsiianyń» bastalǵanyn málimdedi.
