Ýkraina prezidenti Vladimir Zelenskii 25 aqpanǵa qaraǵan túni halyqqa kezekti videomálimdemesin jasap, Resei shabýylynyń alǵashqy kúni bolǵan oqiǵalardy qorytyndylady, dep habarlaidy Azattyq.
Zelenskiidiń aitýynsha, Ýkraina Qarýly kúshteri qarsylas tarapqa toitarys bergen.
Aldyn ala málimet boiynsha, 137 ýkrain azamaty qaza bolǵan. 300 adam jaralanǵan. Áskeri qyzmetkerlerden bólek, beibit azamattar da opat bolǵan. Zelenskiidiń aitýynsha, Qara teńizde Zmeinyi aralyn qorǵaǵan shekarashylardyń barlyǵy mert bolǵan.
Prezident sonymen birge Ýkraina Reseimen "jalǵyz ózi" soǵysýǵa májbúr bolǵanyn aityp, eshkimnen kómek bolmaǵanyn meńzedi.
Zelenskii "qarsylas tarap ózin birinshi nysana retinde kózdese de" Kievte qala beretinin aitty. Onyń sózine qaraǵanda, Kievte reseishil diversiialyq toptar bar, sol sebepti komendanttyq saǵat erejelerin saqtaý kerek.
Zelenskiidiń aitýynsha, ol NATO basshylarymen Ýkrainany odaq quramyna alý týraly kelissóz júrgizgen, biraq "olardyń bári qorqady".
Ýkraina prezidenti Reseimen kelissóz júrgizýge qoryqpaitynyn, biraq el qaýipsizdigine kepildik berýin talap etetinin jetkizdi.
Zelenskiidiń aitýynsha, ol kelissózge daiyn, biraq qazir el taǵdyry armiia qolynda.
Resei 24 aqpanda tań atpai jatyp ýkrain qalalary men áskeri qoimalaryna áýeden soqqy berip, túrli baǵyt boiynsha tankileri men áskerin jibergen. Ýkraina biliginiń aitýynsha, olardyń armiiasy soltústikte Sýmy men Harkovtan bastap, ońtústiginde Herson men Odessada soǵysqan.
AQSh memlekettik hatshysy Entoni Blinken CBS arnasyna bergen suhbatynda Ýkraina astanasy Kiev qalasyna qaýip tónip turǵanyn aitqan.
Birneshe saǵat buryn Zelenskii jappai mobilizatsiia jasaý týraly jarlyqqa qol qoiǵan. Ol 18 ben 60 jastaǵy erlerge elden ketýge tyiym saldy.
