Zeinettegi kúnderdi josparlaý qazir uzaq merzimdi qarjylyq strategiianyń bir bóligine ainalyp keledi. Zańda belgilengen sharttar saqtalǵan jaǵdaida turaqty tólemdi jalpyǵa birdei belgilengen zeinet jastan erte de alýǵa múmkindik bar. Ondai quraldyń biri – zeinetaqy annýiteti, dep habarlaidy Ult.kz.
Jumystan qol úzbegen kóp qazaqstandyq úshin eńbek joly aiaqtalǵannan keiingi tabys máselesi ózekti. Bul jaiynda jurt zeinetke shyqqanǵa deiin oilana bastady. Zeinetaqy jarnasyn quiyp otyrýdan basqa, turaqty tólem kózin aldyn-ala belgilep qoiýǵa bolatyn jáne ony ómiriniń sońyna deiin paidalanýǵa bolatyn quraldar bar. Soǵan toqtalsaq.
Zeinetaqy annýiteti degenimiz ne
Zeinetaqy annýiteti – saqtandyrý sharty. Bul jaǵdaida klient zeinetaqy jinaqtaryn «Biryńǵai jinaqtaýshy zeinetaqy qorynan» saqtandyrý kompaniiasyna belgili bir shart aiasynda aýdarady. Nátijesinde turaqty saqtandyrý tólemin alyp otyrady.
Mundai quraldyń erekshelikteriniń biri – eger adam zańda kózdelgen sharttarǵa sai kelse, jalpyǵa birdei belgilengen zeinet jasqa deiin-aq tólem ala bastaidy.
Basa aita keterligi – zeinetaqy annýiteti boiynsha tólemder ómir boiy jalǵasady. Iaǵni azamat jumys istegen ýaqytta aýdaryp otyryp jinaǵan bastapqy jarnasy taýsylǵan jaǵdaida da zeinetaqy toqtamaidy. Shart talaptaryna sáikes ómir boiy tólenedi.
Zeinet jastaǵy tabysty aldyn ala josparlaýǵa bolady
Jinaqty óz betinshe jumsaýdan aiyrmashylyǵy, zeinetaqy annýiteti turaqty tabys alý mehanizmin aldyn ala belgilep qoiýǵa múmkindik beredi.
Zeinetaqy annýiteti – ómir boiǵy saqtandyrý tólemderi degen sóz. Al tólem mólsheri aýdarylǵan zeinetaqy jinaq somasy men jasalǵan shart talaptaryna bailanysty bolady.
Sondai-aq zeinetaqy annýitetiniń sharttary boiynsha tólemge jylyna kem degende 8% indeksatsiia jasalady.
Taǵy bir mańyzdy aspekt – tólem alýshynyń múddesiniń qorǵalýy. Saqtandyrý uiymdarynyń qyzmeti Qazaqstan zańnamasy aiasynda retteledi. Al zeinetaqy annýiteti sharty aiasyndaǵy mindettemelerge «Saqtandyrý tólemderine kepildik berý qory» kepildik beredi. Saqtandyrý uiymy litsenziiadan aiyrylǵan nemese zańnamada kózdelgen ózge bir jaǵdailar týyndasa shart aiasyndaǵy barlyq mindettemeler belgilengen tártippen basqa saqtandyrý uiymyna beriledi. Iaǵni, shartta kózdelgen tólem úzilmeýi qamtamasyz etiledi.
Zeinetaqy annýiteti kimge qolaily?
Zeinetaqy annýiteti zeinetaqy jinaqtary jetkilikti jáne bolashaqtaǵy turaqty tabys kózin aldyn ala daiarlap qoiǵysy keletin adamdarǵa qolaily.
Bul rette shart jasý talaptary, jinaqtyń qajet somasy jáne klienttiń jasy mólsheri resimdeý kezinde jumys istep turǵan zań talaptaryna bailanysty bolady.
Osylaisha, zeinetaqy annýiteti degenimiz – jinaqtaryn alý tásili ǵana emes, sonymen qatar zeinetaqy kapitalynyń bir bóligin turaqty ómirlik tólemderge ainaldyrýǵa múmkindik beretin uzaq merzimdi qarjylyq josparlaý quraly da.
Tolyqqandy aqparat Halyk-life klientteri úshin árdaiym qol jetimdi. Tek 7123 nómiri boiynsha habarlasyp nemese jaqyn jerdegi filialǵa kelý jetkilikti.
