Qazaqstandyq Baktier Zainýtdinov qyrkúiek aiynyń qorytyndysy boiynsha máskeýlik TsSKA klýbynyń úzdik oiynshysy atandy, dep habarlaidy "Ult aqparat".
TsSKA fýtbol klýby málim etkenindei, ol ótken aida komandanyń barlyq úsh oiynyna qatysqan.
Klýbtyń resmi saitynda jankúierler arasynda ótken daýys berý nátijesinde Qazaqstan ulttyq quramasynyń oiynshysy B.Zainýtdinov úzdik shyqty. Ol daýystyń 37 paiyzyn jinady. Horvatiialyq Nikola Vlashich ekinshi (23 paiyz), qaqpashy Igor Akinfeev úshinshi (18 paiyz) orynda.
Daýys berýge barlyǵy 12544 adam qatysty.
Resei premer-ligasynda 19 upaimen úshinshi orynda kele jatqan TsSKA kezekti oiynyn 18 qazan kúni «Dinamo» (Máskeý) komandasymen ótkizedi. Al 22 qazanda Eýropa ligasynyń K tobynda Aýstriiada «Volfsberg» klýbymen alańǵa shyǵady.
