Ózbekstan basshysy Shavkat Mirzieev Qaraqalpaqstan Respýblikasynyń depýtattary, ardagerleri jáne belsendilerimen kezdesý ótkizip, halqyna úndeý jasady, - dep habarlaidy Tengrinews.kz tilshisi el prezidentiniń baspasóz qyzmetine silteme jasap.
"Bul kúnderi bizdiń elimizde mańyzdy saiasi protsess - Ózbekstan Respýblikasynyń Konstitýtsiiasyna ózgerister men tolyqtyrýlardy qoǵamdyq talqylaý júrip jatqany belgili", - dedi Mirzieev.
Sondai-aq, ol konstitýtsiialyq reformalar eldiń odan ári áleýmettik-saiasi jáne ekonomikalyq damýyna, azamattardyń quqyqtary men bostandyǵyn nyǵaitýǵa, "adami qadir-qasieti úshin" igi ideialardy is júzinde júzege asyrýǵa baǵyttalǵanyn aitty.
"Demokratiialyq qaǵidattar men quqyqtyq normalar negizinde azamattardyń óz pikiri men erik-jigerin erkin bildirýi úshin jasalǵan jaǵdailarǵa qaramastan, keibir kúshter Konstitýtsiialyq reformalarǵa narazylyq bildirý syltaýymen agressiia men zorlyq-zombylyq jolyn tańdap, Ózbekstandaǵy jaǵdaidy turaqsyzdandyrýǵa jáne shaiqaýǵa tyrysty.
Jalǵan aqparat taratýdyń pysyqtalǵan tehnologiialaryn jáne áleýmettik jelilerdi paidalana otyryp, destrýktivti kúshter naqty maqsatty kózdedi jáne azamattardy Konstitýtsiiany buzatyn qyzmetke tartty.
Olardyń basty maqsaty - qoǵamdy turaqsyzdandyrý, memleketimiz júrgizip otyrǵan jasampaz saiasatqa degen senimge nuqsan keltirý, Ózbekstannyń aýmaqtyq tutastyǵyna nuqsan keltirý", - dedi prezident.
