Japoniiada 48 jastaǵy er adam Fýdzi taýyna eki ulymen birge kóterilip, 7 jastaǵy balasyn joldaǵy baqylaý beketinde jalǵyz qaldyryp ketken. Er adam 12 jastaǵy úlken ulymen birge taýdyń shyńyna qarai kóterilýdi jalǵastyrǵan. Bul týraly CNN habarlady.
Er adam 7 jáne 12 jastaǵy eki balasymen birge Fýdzinomiia baǵytymen Fýdzi taýyna kóterilgen. Alaida shamamen 3 myń metr biiktikte kishi uly sharshaǵanyn aityp, ári qarai júre almaitynyn jetkizgen.
Sol kezde ákesi balasyna baqylaý beketiniń janynda kútip otyrýdy aityp, ózi úlken ulymen birge shyńǵa qarai ketken.
Alaida baqylaý beketinen taýdyń shyńyna deiingi jolǵa 5 saǵattan astam ýaqyt, al keri túsýge taǵy shamamen 2,5 saǵat qajet bolǵan.
Tańerteń baqylaý beketiniń qyzmetkeri oryndyqta jalǵyz otyrǵan balany baiqap, politsiia shaqyrǵan. Quqyq qorǵaý organdary keiin balanyń ákesimen bailanysqan.
Ázirge er adamǵa qatysty qandai da bir aiyp taǵylatyny belgisiz.
Aita keteiik, Fýdzi taýy – Japoniiadaǵy eń biik núkte. Onyń biiktigi 3776 metr. Bul – Honsiý aralynda, Tokio qalasynan shamamen 90 shaqyrym ońtústik-batysta ornalasqan belsendi stratovýlkan.
