Qytaidyń ońtústigindegi Gýansi-Chjýan avtonomiialyq aýdanynda bolǵan joiqyn sý tasqyny saldarynan keminde 39 adam qaza taýyp, taǵy toǵyz adam iz-túzsiz joǵaldy, dep habarlaidy ult.kz.
Tabiǵi apat aimaqtaǵy ondaǵan eldi mekendi basyp, myńdaǵan turǵyndy evakýatsiialaýǵa májbúr etti.
Jergilikti biliktiń málimetinshe, apatqa Nannin qalasy mańyndaǵy Liýlan sý qoimasy bógetiniń jarylýy sebep bolǵan. Qatty jaýyn-shashyn men ózenderdiń tasýy saldarynan sý deńgeii kúrt kóterilip, bóget qysymǵa shydamai buzylǵan.
Qutqarý qyzmeti apat bolǵan alǵashqy saǵattardan bastap shuǵyl jumysqa kiristi. Qazirgi ýaqytta júzdegen qutqarýshy, áskeri qyzmetkerler men eriktiler izdestirý-qutqarý operatsiialaryna jumyldyrylǵan. Arnaiy tehnika men tikushaqtar qoldanylyp, sý basqan aimaqtardan adamdar qaýipsiz jerlerge kóshirilýde.
Bilik ókilderi qaza tapqandar sany áli de artýy múmkin ekenin joqqa shyǵarmaidy.
