Kolýmbiiada magnitýdasy 7,4 baldyq jer silkinisi bolyp, keminde 111 adam qaza taýyp, 87 adam jaraqat aldy. Elde ulttyq deńgeide tótenshe jaǵdai jariialanyp, qutqarý jumystary bastaldy, dep habarlaidy ult.kz.
Jer silkinisi jergilikti ýaqyt boiynsha tańǵy 07:34-te tirkelgen. Epitsentri eldiń batysyndaǵy Choko óńirindegi San-Hose-del-Palmar mańynda ornalasqan.
Tabiǵi apat saldarynan 1575 turǵyn úi zaqymdanyp, 37 ǵimarat tolyq qiraǵan. Sonymen qatar 18 densaýlyq saqtaý nysany, 52 bilim berý mekemesi, 18 jol jáne jeti áýejai zardap shekken.
Zardap shekken aimaqtarǵa ásker men qutqarýshylar tartyldy. Bilik qiraǵan ǵimarattardyń astynda qalǵan adamdardy izdeý jáne qajetti kómek kórsetý jumystaryn jalǵastyryp jatyr.
