Ishki ister ministrligi memlekettik shekara arqyly janar-jaǵarmai materialdaryn zańsyz áketýge qarsy baqylaýdy kúsheitti. Jyl basynan beri kólikterge qosymsha otyn bagyn zańsyz ornatýǵa qatysty 255 quqyq buzýshylyq anyqtalǵan, dep habarlaidy ult.kz.
Vedomstvo málimetinshe, qazirgi ýaqytta memlekettik shekaradaǵy avtomobil ótkizý beketteriniń mańynda 59 politsiia beketi jumys istep tur. Olardyń negizgi mindeti – janar-jaǵarmaidyń zańsyz tasymaldanýyna jol bermeý.
Politseilerdiń aitýynsha, anyqtalǵan barlyq quqyq buzýshy Qazaqstan Respýblikasynyń Ákimshilik quqyq buzýshylyq týraly kodeksiniń 590-babynyń 7-bóligi boiynsha ákimshilik jaýapkershilikke tartylǵan.
Jaýapqa tartylǵandardyń 195-i – shetel azamattary, al 60-y – Qazaqstan azamattary. Zańsyz ornatylǵan qosymsha otyn baktary alynyp, kólikter ielerine qaitaryldy.
Aita keteiik, kólik quralyna ruqsatsyz ózgeris engizip, qosymsha otyn bagyn ornatqany úshin 15 ailyq eseptik kórsetkish (64 875 teńge) kóleminde aiyppul qarastyrylǵan.
