QR Ishki ister ministri Erlan Turǵymbaev halyq arasynda qymbat baǵaǵa satylǵan zańsyz qorǵanys buiymdary týraly aityp berdi, dep habarlaidy QazAqparat.
«Qiyn kezeńde qorǵanys buiymdary men antiseptikti zańsyz satqandar da bar. Politsiia dál osyndai 27 faktiniń jolyn kesti. Turǵyndarǵa qymbat baǵamen satylǵan 2 mln meditsinalyq maska, 4 myń qorǵanys kostiými jáne 10 tonna dezinfektsiialyq qural zańsyz ainalymnan alyndy. Kináliler jaýapqa tartylyp jatyr», - dedi ministr Ortalyq kommýnikatsiialar qyzmetinde ótken brifingide.
Sonymen birge ministr oiyn-saýyq ortalyqtarynyń da zańsyz jumys istegenin aitty.
«Jii bolatyn qylmystardyń qatarynda saýda nysandarynyń, oiyn-saýyq jáne kóńil kóterý nysandarynyń zańsyz jumys isteýi bar. Karantin rejimin ustanbaǵany úshin 1 800 quqyqbuzýshy ákimshilik jaýapqa tartyldy. Olardyń 400-den astamy qamaýǵa alyndy, 500 - aiyppul salyndy jáne qalǵan materialdar sot qaraýynda jatyr», - E. Turǵymbaev.
Buǵan deiin ministr Almaty men Nur-Sultan qalalaryna zańsyz kirmek bolǵan 33 adam jaýapqa tartylǵanyn habarlaǵan edi.
