QR Bas prokýrorynyń orynbasary Bolat Dembaev Qazaqstanda ekstremistik dep tanylǵan uiymnyń halyqty kezekti zańsyz aktsiialarǵa qatysýǵa shaqyrýyna orai úndeý jariialady, - dep habarlaidy «Ult aqparat».
Al úndeýdiń QR Bas prokýrorynyń orynbasary Bolat Dembaev jasaǵan úndeýdiń tolyq mátini tómendegidei:
***
Bas prokýratýranyń túsindirýine jáne ákimshilik yqpal etý sharalaryna qaramastan, jekelegen adamdar, sonyń ishinde shetelden áleýmettik jeliler arqyly halyqty aldaǵy merekelerde zańsyz mitingilerge qatysýǵa shaqyrýdy jalǵastyrýda.
Bul adamdar «Beibit jinalystar, mitingiler, sherýler, piketter jáne demonstratsiialar uiymdastyrý men ótkizý tártibi týraly» Zańnyń (budan ári - zań) talaptaryn aiqyn buzýda.
Atap aitqanda, josparlanǵan miting týraly habarlanǵanǵa deiin uiymdastyrýshylar belgilengen kúnge deiin 10 kún buryn jergilikti atqarýshy organdarǵa jazbasha ótinish bermegen.
Onda olar: is-sharanyń maqsaty, nysany, ótkizilý ornyn nemese qozǵalys baǵyttaryn, onyń bastalý jáne aiaqtalý ýaqytyn, qatysýshylardyń boljamdy sanyn, uiymdastyrýshylardyń jáne qoǵamdyq tártipti saqtaýǵa jaýapty adamdardyń saýalnamalyq derekterin kórsetilýi tiis bolatyn.
Bul mindetti talaptar aktsiia qatysýshylarynyń ózderiniń, sondai-aq basqa da azamattardyń qaýipsizdigin qamtamasyz etý úshin ǵana baǵyttalǵan.
Sonymen qatar, ruqsat alǵanǵa deiin uiymdastyrýshy men basqa da tulǵalardyń miting týraly jariialaýǵa, oǵan qatysýǵa shaqyrýǵa, sondai-aq osy maqsatta paraqshalar, plakattar jáne basqa da osyndai materialdardy daiyndaýǵa jáne taratýǵa quqyǵy joq ekenine nazar aýdaramyz.
Basqasha aitqanda, 16 jeltoqsanda zańsyz aktsiialardy uiymdastyrýshylardyń is-áreketterinde ákimshilik quqyq buzýshylyq belgileri baiqalady (Ákimshilik quqyq buzýshylyq týraly kodekstiń 488-baby – beibit jinalystardy uiymdastyrý jáne ótkizý tártibi týraly zańnamany buzý).
Eger bul áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirse, onda qylmystyq jaýaptylyq týyndaidy (qylmystyq kodekstiń 400-baby – sanktsiialanbaǵan aktsiiany uiymdastyrý ne oǵan qatysý, eger olar eleýli zalal keltirse).
Ákimshilik jáne qylmystyq-quqyqtyq sharalar osyndai aktsiialardy qoldaityn adamdarǵa qatysty da birdei dárejede qoldanylatyn bolady.
Osyǵan bailanysty, Bas prokýratýra arandatýshylyq jasamaýǵa, qoldanystaǵy zańnamany múltiksiz saqtaýǵa jáne zańsyz mitingilerge qatysýdan bas tartýǵa shaqyrady.
