QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda elimizdegi epidemiologiialyq ahýal qaraldy. Sanitarlyq-epidemiologiialyq jaǵdai jáne koronavirýs infektsiiasynyń taralýyna jol bermeý boiynsha qabyldanyp jatqan sharalar týraly ishki ister ministri Erlan Turǵymbaev pen Premer-Ministrdiń orynbasary Roman Skliar baiandady.
Ishki ister ministrligi karantindik jáne shekteý sharalaryn saqtalýyn qamtamasyz etý boiynsha densaýlyq saqtaý organdaryna kómek kórsetedi. Bul sharalarǵa kún saiyn 10 myńǵa jýyq politsiia qyzmetkerleri, Ulttyq ulan áskeri qyzmetshileri jáne myńǵa jýyq erikti jumyldyrylady.
Budan basqa, politsiia qyzmetkerleri 299 karantindik obektini baqylaidy. Meditsinalyq mekemelerdiń suraýy boiynsha aýrýmen bailanysta bolǵan adamdardyń mekenjaiyn anyqtaý jumysy júrgizilýde (Tótenshe jaǵdai engizilgennen bastap – 32 461).
Monitoring toptarynyń jumysy sheńberinde (aǵymdaǵy jylǵy 5 shildeden bastap) 50 myńnan astam birlesken reidtik is-sharalar (densaýlyq saqtaý organdarymen jáne jergilikti atqarýshy organdarmen), onyń ishinde qyzmet kórsetý salasyndaǵy obektiler boiynsha ótkizildi. 28 myńnan astam karantin buzýshylyq anyqtalyp, joly kesildi.
Onyń ishinde 4 600-den astamy saýda ortalyqtary, dúkender men bazarlarda, 1,7 myńy meiramhanalar, dámhanalar jáne basqa da demalys oryndarynda anyqtaldy.
Olardyń eń kóbi Qostanai (5 116), Batys Qazaqstan (2 674), Túrkistan (3 532), Shyǵys Qazaqstan (2 124) oblystaryna, sondai-aq Almaty qalasyna (3 876) tiesili.
Barlyq anyqtalǵan faktiler boiynsha densaýlyq saqtaý organdary sanitarlyq-epidemiologiialyq talaptardy buzǵany úshin ákimshilik materialdar jasaidy.
«Tótenshe jaǵdai kezinde ishki ister organdary karantin rejimin buzýshylardy jaýapqa tartqanyn atap ótken jón. TJ quqyqtyq rejiminiń toqtatylýyna bailanysty karantindi buzý faktilerin ákimshilendirý máseleleri Densaýlyq saqtaý ministrliginiń quzyretine ótti», — dedi Turǵymbaev.
Sonymen qatar, politsiia qyzmetkerleri qoǵamdyq tártipti saqtaý boiynsha qyzmet atqarý barysynda 15 myńnan astam karantin sharalaryn óreskel buzýshylyqty tirkedi.
«Olar — toi jáne eske alý is-sharalaryn ótkizýdiń 600 faktisi, demalys aimaqtarynyń, onyń ishinde sý qoimalarynyń janynda jumys isteýdiń myńnan astam faktisi. Máselen, ótken demalys kúnderi (26 jáne 27 qyrkúiekte) saltanatty is-sharalardy ótkizýdiń 41 faktisi toqtatyldy. Mysaly, Qyzylorda oblysyndaǵy “Orda” meiramhanasynda 100-ge jýyq adamnyń qatysýymen “toi” ótkizildi. Osy oblys boiynsha karantin rejimi qatańdatylǵan sátten bastap (a. j. 5 shildeden bastap) osyndai 225 fakti anyqtaldy», — dedi Turǵymbaev.
Sondai-aq, elordada 25 qyrkúiekten 26 qyrkúiekke qaraǵan túni jumys istep turǵan 4 túngi klýb anyqtaldy, olardyń birinde tekserý kezinde 65 adam bolǵan. Olardyń barlyǵy ákimshilik jaýapkershilikke tartyldy.
Budan basqa, monitoring toptarynyń quramynda, sondai-aq jeke azamattardyń maska rejimin buzýynyń 11,8 myń deregi anyqtaldy. Ákimshilik is qozǵaý úshin jinalǵan materialdar densaýlyq saqtaý organdaryna berildi. Bul rette politseiler halyqpen profilaktikalyq jáne túsindirý jumystaryn júrgizýge baǵdarlanǵan.
Sonymen qatar, Memleket basshysynyń tapsyrmasyna sáikes, politsiia aǵymdaǵy jylǵy 5 shilde men 17 tamyz aralyǵynda dárilik zattar men dári-dármekterdi zańsyz satýdyń 933 faktisiniń jolyn kesti.
«Zańsyz ainalymnan 98,2 myń qorap meditsinalyq preparat (527 ataýly); jarty millionǵa jýyq meditsinalyq maska; 41,8 myń dana perchatka men ózge de meditsinalyq buiymdar (termometrler, kózdi qorǵaý quraldary, quiý júieleri); 705 litr antiseptik alyndy. Olardy jasaǵany úshin politsiiaǵa 605 adam jetkizildi, onyń ishinde 349-y meditsina salasynyń qyzmetkeri», — dedi ishki ister ministri.
Óz kezeginde, Premer-Ministrdiń orynbasary R. Skliar elimizdiń 12 aimaǵynda árqaisysy 200 tósek-oryndyq modýldik infektsiialyq aýrýhanalar salynyp jatqanyn aitty. 9 óńirde qurylys-montaj jumystary aǵymdaǵy aptanyń sońyna deiin aiaqtalady. Qyzylorda, Batys Qazaqstan jáne Túrkistan oblystarynda qurylys-montaj jumystary qazan aiynyń sońyna deiin aiaqtalady.
«Avtobýs negizinde jasalǵan otandyq jyljymaly meditsinalyq kesheni gliýkometr, rentgen, EKG jáne ýltradybys siiaqty qajetti tsifrlyq jabdyqtarmen jabdyqtalǵan. Sonymen qatar tiisti meditsinalyq aimaqtarǵa bólingen (tirkeý aimaǵy, analiz qabyldaý aimaǵy, rentgendik fliýorografiia aimaǵy)», — dedi R. Skliar.
1 qazannan bastap sol aidyń ortasyna deiin Qostanaidaǵy óndirýshi zaýyttan daiyn jyljymaly meditsinalyq keshenderdi jetkizý aiaqtaidy. Jospar boiynsha otandyq óndiristegi 360 jedel járdem kóligin jetkizý osy aptanyń sońynda bastalyp, qazan aiynyń ortasyna deiin aiaqtalady. Avtokólikter 9 oblys boiynsha taratylatyn bolady.
