Almaty qalasy men Almaty oblysy aýmaǵynda aqshany zańsyz qolma-qolǵa ainaldyrýmen ainalysqan uiymdasqan qylmystyq top áshkerelendi. Bul týraly QR QM Qarjy monitoringi komitetiniń baspasóz qyzmeti habarlady.
«Komitettiń Almaty oblysy boiynsha Ekonomikalyq tergeý departamenti qyzmetkerleri Almaty qalasy men Almaty oblysy aýmaǵynda quqyqqa qarsy is-áreketti júzege asyratyn qylmystyq topty anyqtady. Tergeý jumystary barysynda UQT músheleriniń 2019 jylǵy naýryz aiynan qazirgi ýaqytta deiin is júzinde jumystardy oryndamai, qyzmetterdi kórsetpei jáne taýarlardy tiep-júktemei shot-faktýralardy resimdeý jolymen zańsyz aqsha qarajatyn 15-ten asa jalǵan kásiporyndar arqyly qolma-qolǵa ainaldyrǵany belgili boldy. Salyq tólemeý túrinde memleketke keltirilgen zalal kólemi shamamen 3 mlrd teńgeden astam somany quraidy. Tintý júrgizý barysynda mór, noýtbýk, printer, býhgalterlik qujattama jáne jańa jasalǵan sharttardyń jobalary alyndy», - delingen habarlamada.
Osy fakti boiynsha sotqa deiingi tergeý bastalyp, UQT uiymdastyrýshylaryn qamaýda ustaý túrindegi jolyn kesý sharasy qoldanyldy.
QR QK 216-babyna sáikes is júzinde jumystardy oryndamai shot-faktýralardy resimdeý áreketin jasaǵany úshin múlkin tárkilep merzimi 7 jylǵa deiin bas bostandyǵynan aiyrý jazasy qarastyrylǵan.
