Zambiiada alǵash ret koronavirýstyń omikron shtamy anyqtaldy. Bul týraly eldiń densaýlyq saqtaý ministri Silviia Masebo senbi kúni málim etti, dep habarlaidy QazAqparat.
«Zambiia territoriiasynda úsh adamnan koronavirýstyń omikron shtamy anyqtaldy», - dep málim etken ministr Zambia-24 aqparat portalynda.
Qaýipti infektsiiany juqtyrǵannyń biri - vaktsinalanǵan er adam. Ol jaqynda shet elden kelgen.
Ekinshisi de er adam, ol da vaktsina alǵan ári shetelge saparlaǵan. Úshinshisi - áiel adam, biraq ol shetelge shyqpaǵan.
Úsh naýqas ta qazirgi kezde ulttyq kardiologiialyq aýrýhanaǵa jatqyzylǵan.
Zambiia - koronavirýstyń omikron shtamy anyqtalǵan afrikadaǵy jetinshi el. Buǵan deiin OAR, Zimbabve, Gana, Botsvana, Nigeriia jáne Mozambik elderinen koronavirýstyń osy shtamy shyqqan edi.
