Májilis depýtaty Rinat Zaiytov «kórineý jalǵan aqparat taratý» baby boiynsha sottalǵan azamattardy raqymshylyqqa iliktirý máselesin kóterdi, dep habarlaidy ult.kz Stan.kz saityna silteme jasap.
Onyń aitýynsha, mundai qadam halyqaralyq deńgeide prezidenttiń bedeline oń áser etýi múmkin.
«Bizde bir ókinishti jaǵdai bar: áleýmettik jelide «kommentarii» jazǵany úshin sottalyp jatqan adamdar bar. Áriptesterimnen jalynyp turyp suraitynym – qylmystyq kodekstiń 274-babymen (kórineý jalǵan aqparat taratý) jaýapqa tartylǵan azamattarǵa raqymshylyq jasaýǵa yqpal etý», – dedi Rinat Zaiytov.
Eske salsaq, 2026 jyldyń 20 naýryzynda jýrnalist Botagóz Omarova «prezidenttiń at qoralary» týraly materialyna bailanysty politsiia shaqyrtý alǵan. Keiin ol «kórineý jalǵan aqparat taratý» isi boiynsha kúdikti dep tanylyp, úi qamaqqa alynǵan bolatyn. 22 mamyrda onyń isi toqtatylǵan.
Aita keteiik, Májiliste «Qazaqstan Respýblikasynyń jańa Konstitýtsiiasynyń qabyldanýyna bailanysty raqymshylyq jasaý týraly» zań jobasy ekinshi oqylymda maquldanyp, Senat qaraýyna jiberilgen.
