مەجٸلٸس دەپۋتاتى رينات زايىتوۆ «كٶرٸنەۋ جالعان اقپارات تاراتۋ» بابى بويىنشا سوتتالعان ازاماتتاردى راقىمشىلىققا ٸلٸكتٸرۋ مەسەلەسٸن كٶتەردٸ, دەپ حابارلايدى ult.kz Stan.kz سايتىنا سٸلتەمە جاساپ.
ونىڭ ايتۋىنشا, مۇنداي قادام حالىقارالىق دەڭگەيدە پرەزيدەنتتٸڭ بەدەلٸنە وڭ ەسەر ەتۋٸ مٷمكٸن.
«بٸزدە بٸر ٶكٸنٸشتٸ جاعداي بار: ەلەۋمەتتٸك جەلٸدە «كوممەنتاريي» جازعانى ٷشٸن سوتتالىپ جاتقان ادامدار بار. ەرٸپتەستەرٸمنەن جالىنىپ تۇرىپ سۇرايتىنىم – قىلمىستىق كودەكستٸڭ 274-بابىمەن (كٶرٸنەۋ جالعان اقپارات تاراتۋ) جاۋاپقا تارتىلعان ازاماتتارعا راقىمشىلىق جاساۋعا ىقپال ەتۋ», – دەدٸ رينات زايىتوۆ.
ەسكە سالساق, 2026 جىلدىڭ 20 ناۋرىزىندا جۋرناليست بوتاگٶز وماروۆا «پرەزيدەنتتٸڭ ات قورالارى» تۋرالى ماتەريالىنا بايلانىستى پوليتسييا شاقىرتۋ العان. كەيٸن ول «كٶرٸنەۋ جالعان اقپارات تاراتۋ» ٸسٸ بويىنشا كٷدٸكتٸ دەپ تانىلىپ, ٷي قاماققا الىنعان بولاتىن. 22 مامىردا ونىڭ ٸسٸ توقتاتىلعان.
ايتا كەتەيٸك, مەجٸلٸستە «قازاقستان رەسپۋبليكاسىنىڭ جاڭا كونستيتۋتسيياسىنىڭ قابىلدانۋىنا بايلانىستى راقىمشىلىق جاساۋ تۋرالى» زاڭ جوباسى ەكٸنشٸ وقىلىمدا ماقۇلدانىپ, سەنات قاراۋىنا جٸبەرٸلگەن.
