Búgin Iordaniianyń Amman qalasynda ótip jatqan bokstan Olimpiadaǵa irikteý týrnirinde qazaq boksshylary arasynan Zakir Safiýllin birinshi bolyp finalǵa joldama aldy, dep habarlaidy "Ult aqparat".
Erler arasynda 63 keli salmaqta el namysyn qorǵap jatqan otandasymyz Zakir Safiýllin jartylai finalda jergilikti boksshy Obada Mohammed Mustafa Alkasbehpen judyryqtasty.
Jekpe-jek alǵashqy minýttardan-aq tartysqa toly boldy. Alǵashqy raýndta jergilikti boksshynyń qarqyny joǵary kórindi. Alaida, ekinshi raýndta qazaqstandyq boksshy tarazy basyn ózine aýdaryp, jekpe-jekti odan ary qyzdyryp jeberdi. Sońǵy raýndta jerlesimiz qarsylasyna aýyr soqqylaryn daryta otyryp, jeńisti julyp aldy. Tóreshiler bir aýyzdan qazaq boksshysyn jeńimpaz dep tanydy.
Osylaisha, Zakir Safiýllin qazaq boksshylary arasynan alǵash bolyp Olimpiadalyq irikteý týrniriniń finalyna shyqty.
