بٷگٸن يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە قازاق بوكسشىلارى اراسىنان زاكير سافيۋللين بٸرٸنشٸ بولىپ فينالعا جولداما الدى, دەپ حابارلايدى "ۇلت اقپارات".
ەرلەر اراسىندا 63 كەلٸ سالماقتا ەل نامىسىن قورعاپ جاتقان وتانداسىمىز زاكير سافيۋللين جارتىلاي فينالدا جەرگٸلٸكتٸ بوكسشى وبادا موحاممەد مۇستافا الكاسبەحپەن جۇدىرىقتاستى.
جەكپە-جەك العاشقى مينۋتتاردان-اق تارتىسقا تولى بولدى. العاشقى راۋندتا جەرگٸلٸكتٸ بوكسشىنىڭ قارقىنى جوعارى كٶرٸندٸ. الايدا, ەكٸنشٸ راۋندتا قازاقستاندىق بوكسشى تارازى باسىن ٶزٸنە اۋدارىپ, جەكپە-جەكتٸ ودان ارى قىزدىرىپ جەبەردٸ. سوڭعى راۋندتا جەرلەسٸمٸز قارسىلاسىنا اۋىر سوققىلارىن دارىتا وتىرىپ, جەڭٸستٸ جۇلىپ الدى. تٶرەشٸلەر بٸر اۋىزدان قازاق بوكسشىسىن جەڭٸمپاز دەپ تانىدى.
وسىلايشا, زاكير سافيۋللين قازاق بوكسشىلارى اراسىنان العاش بولىپ وليمپيادالىق ٸرٸكتەۋ تۋرنيرٸنٸڭ فينالىنا شىقتى.
