Qyrǵyzstannyń tótenshe jaǵdailar ministri Ystyqkóldegi sý tasqynynyń saldaryn baqylaýynda ustap otyr, dep habarlaidy "Ult aqparat" Kabar agenttigine silteme jasap.
Onyń málimetinshe, búgin, 30 shilde saǵat 04:30 shamasynda Balyqshy qalasy men Kesken-Bel asýynda, Ton aýdanynyń Qara-Shaar jáne Ottýk aýyldarynda nóser jańbyr jaýǵan.
Ishki joldar men aryqtar qum men qiyrshyq tasqa tolyp, turǵyn úilerdi sý basqan.
Ystyqkólden ońtústikke qarai 35 km jerde jol ýchaskeleri sel tasqynynan zardap shekti. Kóldiń soltústigindegi jol ashyq.
Qazirgi ýaqytta oqiǵa ornynda tótenshe jaǵdailar ministri B. Ájikeev, Prezidenttiń Ystyqkól oblysyndaǵy ókiletti ókiliniń birinshi orynbasary Ý. Daliev, quqyq qorǵaý basqarmasynyń bastyǵy K. Enteriev, sondai-aq Ystyqkól oblysy boiynsha TJM basqarmasynyń bastyǵy Zamirbek Jumaǵaziev júr.
Tótenshe jaǵdai ministrliginiń Ton aýdandyq bóliminde 7 qutqarýshy, 20 militsiia qyzmetkeri, 1 Hovo, 1 MTZ-82, 2 tiegishti paidalana otyryp, 15 jergilikti turǵyn sý tasqynynyń saldaryn joiý boiynsha jumys isteýde.
Sonymen qatar Kesken-Bel aýylyndaǵy joldy tazartý úshin Jol-eksplýatatsiia mekemesinen 4 qyzmetker jáne 1 greider jumyldyryldy.
Ottýk aýylynda 50-den astam úi men baý-baqsha sý astynda qaldy.
Sý basqan jerlerde 100-ge jýyq jergilikti turǵyn jáne azamattyq qorǵanys qyzmetiniń 30 qyzmetkeri jumys isteidi.
