Qoja Ahmet Iasaýi atyndaǵy Halyqaralyq qazaq-túrik ýniversitetiniń rektory qyzmetine Janar Temirbekova taǵaiyndaldy, dep habarlaidy "Ult aqparat".
JOO saitynyń málimetinshe, Janar Amangeldiqyzyn Ahmet Iasaýi ýniversitetiniń ujymyna Qazaqstan Respýblikasynyń Bilim jáne ǵylym vitse-ministri Sholpan Karinova tanystyrdy.
Atalǵan jiynǵa Túrkistan oblysy ákiminiń bilim salasyna jaýapty orynbasary Sáken Qalqamanov, ýniversitettiń 1-shi vitse-prezidenti (rektor ókili) Jengiz Tomar men ýniversitettiń senat músheleri qatysty.
Ýniversitettiń jańa rektory sózin uly baba Ahmet Iasaýidiń hikmetinen bastai otyryp, ózine júktelgen jańa qyzmettiń jaýapkershiligin tereń sezinetinin jetkizdi.
«Mádeniet pen órkeniettiń negizi bolyp tabylatyn bul ýniversitet táýelsiz eldiń máńgi bolashaǵyn qazirden bastap qalyptastyrýshy bilim oshaǵy. Qoǵamǵa úlgi bolatyn qasietti meken. Memleket basshysy Qasym-Jomart Kemeluly «Halyq únine qulaq asatyn úkimet» tujyrymdamasyn qabyldaǵan edi. Men de óz kezegimde osy tujyrymdamadan shabyt alyp, «Halyq únine qulaq asatyn ýniversitet» kontsepsiiasyn birge qalyptastyrýdy usynatyn bolamyn», - Janar Temirbekova.
Janar Amangeldiqyzy Túrkiianyń aldyńǵy qatarly Hadjettepe ýniversitetiniń Injenerlik fakýltetin bitirip, atalmysh oqý ornynyń «menedjment» mamandyǵy boiynsha magistratýra baǵdarlamasynda bilim alǵan.
Ál-Farabi atyndaǵy Qazaq ulttyq ýniversitetiniń aspirantýrasynda oqyp, sol jerde kandidattyq dissertatsiiasyn qorǵaǵan. Ekonomika ǵylymdarynyń kandidaty.
Janar Amangeldiqyzy Qoja Ahmet Iasaýi atyndaǵy Halyqaralyq qazaq-túrik ýniversitetiniń Ankara qalasyndaǵy Ókiletti keńes basqarmasynda, TÚRKSOI syndy halyqaralyq uiymdarda eńbek etken.
Almaty qalasyndaǵy KIMEP, QBTÝ jáne SDÝ syndy birneshe mańyzdy oqý oryndarynda stýdentterge sabaq berýmen qatar, Eýraziia Tehnologiialyq ýniversitetiniń rektory, Almaty Menedjment ýniversiteti prezidentiniń keńesshisi qyzmetin atqarǵan.
– N.Nazarbaev qorynyń Ǵylym jáne tehnika salasyndaǵy syilyqtyń laýreaty (2012 j);
– BǴM «JOO-nyń úzdik oqytýshysy» grantynyń iegeri (2013 j);
– Halyqaralyq ǵylymi jýrnaldarda jaryq kórgen ǵylymi maqalalardyń, jalpy 40-tan astam ǵylymi eńbekter men birneshe monografiianyń avtory.
H indeksi: 5; i10:2, Siltemeler indeksi : 235
– The International Journal of Entrepreneurship and Innovation; African Journal of Business and Management; Gaziantep University Journal of Social Sciences halyqaralyq akademiialyq jýrnaldarynda referi
– Nursultan Nazarbaev Qory Ǵylym keńesiniń múshesi AQSh-taǵy Halyqaralyq Kóshbasshylyq Uiymynyń múshesi.
Halyqaralyq analitikalyq ortalyq Tillotoma qorynyń qurmetti múshesi (Science and Education Policy Group).
Qazaq, orys, túrik, aǵylshyn tilderin erkin meńgergen.
