Foto: QR Prezidentiniń baspasóz qyzmeti
Memleket basshysy Qasym-Jomart Toqaev Soltústik Qazaqstan oblysyna jumys sapary barysynda Belarýs Prezidenti Aleksandr Lýkashenkonyń málimdemesine qatysty pikir bildirdi, - dep habarlaidy "Ult aqparat" Aqordanyń Telegram-arnasyna silteme jasap.
"Jaqynda Belarýs Respýblikasynyń Prezidenti Aleksandr Grigorevich Lýkashenko Qazaqstanǵa odaqtas memleketke kirýdi usyndy. Men onyń áziline laiyqty baǵa berdim. Meniń oiymsha, buǵan eshbir qajettilik joq. Óitkeni basqa integratsiialyq birlestikter, sonyń ishinde, eń aldymen, Eýraziialyq ekonomikalyq odaq bar.
Iadrolyq qarýǵa keletin bolsaq, bizge bul qarý qajet emes. Sebebi biz Iadrolyq qarýdy taratpaý týraly shart pen Iadrolyq qarýdy synaýǵa tyiym salý týraly shartqa qosyldyq. Biz osy halyqaralyq qujattar aiasyndaǵy mindettemelerge adal bolyp qala beremiz", – dedi Toqaev Soltústik Qazaqstan oblysynyń aýyl sharýashylyǵy ónimderin óndirýshilermen kezdesýinde.
Eske salaiyq, buǵan deiin Aleksandr Lýkashenko Qazaqstan men basqa da memleketter Belarýs-Resei odaǵyna kire alatynyn aitqan bolatyn.
"Sonda barlyǵyna ortaq iadrolyq qarý bolady", - dedi Lýkashenko.
