QR Premer-Ministri Asqar Mamin «WizzAir» áýe kompaniiasynyń bas atqarýshy direktory Djozef Varadidi qabyldady, dep habarlaidy "Ult aqparat" Úkimet basshysynyń baspasóz qyzmetine silteme jasap.
D. Varadi QR Premer-Ministriniń a.j. naýryz aiyndaǵy BAÁ-ge sapary aiasynda qol jetkizilgen «Abý-Dabi – Almaty» jáne «Abý-Dabi – Nur-Sultan» baǵyttary boiynsha «WizzAir»-dyń turaqty jolaýshylar áýe tasymalyn bastaý týraly ýaǵdalastyqtyń iske asyrylý barysy týraly baiandady.
Sonymen qatar taraptar halyqaralyq biznes jáne týristik qoǵamdastyq qyzyǵýshylyq tanytyp otyrǵan Túrkistan, Almaty jáne Qazaqstannyń basqa da qalalaryna «WizzAir» áýe reisterin ashý keleshegin, sondai-aq aimaqtaǵy jáne álemdegi asa perspektivaly saýda baǵyttary boiynsha áýe júk tasymalyn uiymdastyrýdy talqylady.
Budan basqa, «WizzAir» áýe kompaniiasy Qazaqstanda jańa býyndaǵy aviaotyn óndirisin – «turaqty aviatsiialyq otyndy» (sustainable aviation fuel) óndirýdi uiymdastyrýǵa qyzyǵýshylyq tanytty. Kezdesýge indýstriia jáne infraqurylymdyq damý ministri Beibit Atamqulov jáne Strategiialyq josparlaý jáne reformalar agenttiginiń tóraǵasynyń orynbasary Jaslan Mádiev qatysty.
«WizzAir» kompaniiasy — Ortalyq jáne Shyǵys Eýropadaǵy eń iri biýdjettik áýe tasymaldaýshysy. Áýe kompaniiasynyń áýe kemeleri parki Airbus A320 jáne A321 ushaqtarynan turady. 2020 jyly kompaniianyń jolaýshylar ainalymy 40 mln adamdy qurady, kirisi – 2,8 mlrd eýro. Eýropanyń 47 eline jáne odan tys jerlerge 900 baǵyt boiynsha biýdjettik áýe reisterin oryndaidy.
