2023 jylǵy 11 jeltoqsannan beri negizinen júrgizýshi mamandyǵy boiynsha jumys jasaityn qyzmetkerlerdiń zańsyz ereýili jalǵasýda, dep habarlaidy "Ult aqparat".
Esterińizge sala keteiik, Qaraqiia aýdandyq soty ereýildi zańsyz dep taný týraly sheshim shyǵarǵan bolatyn. 2024 jylǵy 24 qańtarda Mańǵystaý oblystyq sotynyń azamattyq ister jónindegi apelliatsiialyq alqasynyń qaýlysymen Qaraqiia aýdandyq sotynyń sheshimi ózgerissiz qaldy.
"Kompaniia sottyń shyǵarǵan sheshimin ereýilge qatysqan barlyq qyzmetkerlerdiń nazaryna jetkizdi. Mańǵystaý oblystyq sotynyń qaýlysy jariia etilgen sátten bastap sheshim zańdy kúshine engenin atap ótken jón. Osy zańsyz áreketterdiń nátijesinde kompaniia kún saiyn 900 million teńgeden astam shyǵynǵa ushyrady. Sonymen qatar, tapsyrys berýshi tarapynan «Westoil Software» JShS ózine qabyldanǵan sharttyq mindettemelerdi oryndamaýy jáne Tapsyrys berýshige táýligine 23 million teńgege deiin shyǵyn keltirýi týraly sotqa deiingi shaǵymdar qoiyldy, bul talap kún saiyn artyp keledi. Osyǵan qaramastan, birneshe ai boiy «Westoil Software» JShS ereýilge shyqqan qyzmetkerlermen tatýlasý jáne quqyqtyq saladaǵy jaǵdaidy sheshý jóninde jan-jaqty sharalar qabyldaýda", - delingen aqparatta.
Búgingi tańda 94 qyzmetker óz erkimen jumysqa qaita oraldy, olarǵa eshqandai jaza qoldanylǵan joq. Kompaniia basshylyǵy birneshe ret qyzmetkerlerge eńbek mindettemelerin oryndaý jáne jumysqa oralý týraly ótinish jasady. Búgin «Westoil Software» JShS ókilderi qyzmetkerlerdi zańsyz ereýildi toqtatýǵa jáne jumys oryndaryna shyǵýǵa shaqyrdy.
"Sonymen qatar, kún saiyn ósip kele jatqan shyǵyndarǵa, sondai-aq Tapsyrys berýshiniń talaptaryna bailanysty basshylyq ereýilge qatysýshylarǵa kompaniianyń qarjylyq jaǵdaiy syn kótermeitindigin jáne aǵymdaǵy jyldyń 24 aqpanynan keiin qyzmetkerlerdiń jumysqa shyǵýyn kútý múmkin emestigin habarlady. Jumysqa qaita oralyp, óz mindemelerin atqarýǵa sheshim qabyldaǵan qyzmetkerlerge eshqandai jaza qoldanylmaitynyna erekshe nazar aýdaryldy", - delingen úndeýde.
Sondai-aq, qyzmetkerler kórsetilgen merzimde jumysqa shyqpaǵan jaǵdaida, kompaniia zańsyz ereýilge qatysýshylardyń barlyǵymen zańnamaǵa sáikes eńbek shartyn buzýǵa jáne Mańǵystaý oblysynyń Qaraqiia jáne basqa da aýdandarynda jumysqa ornalasýǵa kezekte turǵan azamattar arasynan mamandardy jumysqa qabyldaýǵa májbúr bolatyny aitylady.
Mańǵystaý máslihatynyń depýtaty Allabergen Qonarbaev osy máselege qatysty óz pikirin bildirdi. Depýtat bul jaǵdaidy burynnan qadaǵalap, alańdaýshylyq bildirip kelgenin jetkizdi.
"Mańǵystaý oblystyq sotynyń qaýlysy jariia etilgen sátten bastap sheshim zańdy kúshine engenin atap ótken jón. Zańnyń aty zań. Ony tek oryndaý kerek degen oidamyn. Osyǵan qaramastan, birneshe ai boiy «Westoil Software» JShS ereýilge shyqqan qyzmetkerlermen tatýlasý jáne quqyqtyq saladaǵy jaǵdaidy sheshý jóninde jan-jaqty sharalar qabyldaýda" - dep jazdy Allabergen Qonarbaev.
