Ekinshi orta salmaqta ataǵy aspandap kele jatqan qazaqstandyq kásipqoi boksshy Aidos Erbosynuly (13-0, 9KO) Búkilálemdik boks keńesiniń (WBC) reitinginde kórsetkishin edáýir jaqsartty, dep habarlaidy "Ult aqparat".
VKontakte áleýmettik jelisindegi «Qazaqstan kásipqoi boksy» akkaýntynyń málimetine sáikes, jeńilip kórmegen otandasymyz jańartylǵan reitingte 35-shi orynnan 24-shi orynǵa kóterildi.
Aita ketsek, boksshy sońǵy aiqasyn 2019 jyldyń 21 jeltoqsanynda Reseidiń Krasnoiarsk qalasynda ótkizip, tehnikalyq nokaýtpen venesýelalyq Omar Garsiiany jeńgen edi. Osylaisha, Erbosynuly WBC Asia, WBA International jáne WBO Global nusqalary boiynsha titýldaryn saqtap qaldy.
Boksshynyń aldaǵy aiqasy qashan uiymdastyrylatyny áli belgisiz.
Aidos Erbosynuly qarsylasyn nokaýtpen jeńgennen keiin WBA reitingindegi ekinshi ornyn saqtap qalǵany buǵan deiin habarlanǵan edi.
