ەكٸنشٸ ورتا سالماقتا اتاعى اسپانداپ كەلە جاتقان قازاقستاندىق كەسٸپقوي بوكسشى ايدوس ەربوسىنۇلى (13-0, 9كو) بٷكٸلەلەمدٸك بوكس كەڭەسٸنٸڭ (WBC) رەيتينگٸندە كٶرسەتكٸشٸن ەدەۋٸر جاقسارتتى, دەپ حابارلايدى "ۇلت اقپارات".
ۆكونتاكتە ەلەۋمەتتٸك جەلٸسٸندەگٸ «قازاقستان كەسٸپقوي بوكسى» اككاۋنتىنىڭ مەلٸمەتٸنە سەيكەس, جەڭٸلٸپ كٶرمەگەن وتانداسىمىز جاڭارتىلعان رەيتينگتە 35-شٸ ورىننان 24-شٸ ورىنعا كٶتەرٸلدٸ.
ايتا كەتسەك, بوكسشى سوڭعى ايقاسىن 2019 جىلدىڭ 21 جەلتوقسانىندا رەسەيدٸڭ كراسنويارسك قالاسىندا ٶتكٸزٸپ, تەحنيكالىق نوكاۋتپەن ۆەنەسۋەلالىق ومار گارسييانى جەڭگەن ەدٸ. وسىلايشا, ەربوسىنۇلى WBC Asia, WBA International جەنە WBO Global نۇسقالارى بويىنشا تيتۋلدارىن ساقتاپ قالدى.
بوكسشىنىڭ الداعى ايقاسى قاشان ۇيىمداستىرىلاتىنى ەلٸ بەلگٸسٸز.
ايدوس ەربوسىنۇلى قارسىلاسىن نوكاۋتپەن جەڭگەننەن كەيٸن WBA رەيتينگٸندەگٸ ەكٸنشٸ ورنىن ساقتاپ قالعانى بۇعان دەيٸن حابارلانعان ەدٸ.
