«BIRGEMIZ: BILIM jobasynyń» mindeti – ár aimaqtaǵy oqýshylardy IT salasyndaǵy bilimin jetildirýge, aǵylshyn tilin úiretýge kómektesý jáne UBT-ǵa daiyndaý. Bul týraly Ortalyq kommýnikatsiialar qyzmetinde ótken onlain brifingide GreenTAL əleýmettik sheberhanasynyń basshysy, áleýmettik kásipker Emin Askerov aitty, dep habarlaidy QazAqparat.
«Meniń volonterlik qyzmetim 2012 jyly bastaldy. Ol kezde elordaǵa kóship kelgenmin jáne dosym da, tanysym da, jumysym da bolmaǵan kezder edi. Uzaq ýaqyt jumys izdedim. Keiin volonterlik jobany qolǵa aldym. Biz Aqmola oblysyndaǵy Balalar úiindegi balalardy qoǵamǵa beiimdeý jumystarymen ainalystyq. Olarǵa Balalar úiinen shyqqannan keiin ómirde kerek bolatyn mashyqqa úirettik. Men volonter bolý arqyly ózimdi taptym, maqsattas, armandas ortamdy taptym. Volonter bolýdyń arqasynda áleýmettik kásipkerge ainaldym. Volonterlik elimizde dami bastaǵanyna óte qýanyshtymyn», - deidi GreenTAL əleýmettik sheberhanasynyń basshysy, áleýmettik kásipker Emin Askerov.
Emin Askerov elordaǵa kóship kelmes buryn AQSh-ta turǵan.
«AQSh-ta qoǵamda oryn alyp jatqan jaǵdailarǵa patriottyq túrde, janashyrlyqpen qaraidy. Elge kelgen kezde bizdiń memlekette nege olai emes degen suraqqa jaýap izdedim. Qazir osyǵan qatysty jaǵdai jaqsy jaqqa ózgergen. Biyl «BIRGEMIZ: BILIM jobasynyń» ambassadory boldym. Mindetimiz – ár aimaqtaǵy oqýshylardy IT salasyndaǵy bilimin jetildirýge, aǵylshyn tilin úiretýge kómektesý jáne UBT-ǵa daiyndaý. Joba 100% júzege asty. Atyraý oblysy kóshbasshy bolyp tur. Pandemiia bastalǵaly osy jobaǵa 1568 oqýshy, 135 volonter tartyldy», - deidi ol.
