«VKontakte» qoldanýshylardyń syńar akkaýntyn quryp, sol arqyly tanystarynan aqsha aldap alǵan elordalyq turǵyn ustaldy.
Bul týraly Nur-Sultan qalasy Politsiia departamentiniń baspasóz qyzmeti habarlady, dep jazady QazAqparat.
«Kúdikti jeli qoldanýshylarynyń paraqshalaryn aina qatesiz kóshirip alyp, «dostarynan» elektrondy tólem arqyly shuǵyl aqsha aýdarýdy suraǵan. Boijetken jelidegi «syńarynyń» atynan joldaǵan habarlamada shuǵyl jaǵdaiǵa tap bolǵanyn aityp, qaryzǵa aqsha suraidy. Ádette, 5-15 myń teńge kóleminde ǵana alyp otyrǵan. Bul ailaǵa jeli qoldanýshylarynyń kóbi aldanǵan. Búginge deiin alaiaqtyq faktisi boiynsha elorda politsiiasyna búkil Qazaqstannan 40 azamat júgindi. Keltirilgen zalaldyń jalpy somasy eseptelip jatyr», - dep jazady departamenttiń baspasóz qyzmeti.
Jedel-izdestirý is-sharasynyń aiasynda politsiia qyzmetkerleri elordanyń 19 jastaǵy turǵynyn kúdikti retinde ustaǵan.
«Kúdiktiniń ústinen «Alaiaqtyq» baby boiynsha qylmystyq is qozǵaldy. Politsiia azamattarǵa jelide otyrǵan kezde saq bolý kerektigin eskertedi. Sizden tanysyńyz áleýmettik jeli arqyly qaryzǵa aqsha surasa, júbe-júz kezdesýdi usynyńyz», - dep keńes beredi politsiia ókilderi.
