Foto: QR TJM
Tótenshe jaǵdailar vitse-ministri Baýyrjan Syzdyqov Pavlodar oblysyndaǵy "Maiqaiyń altyn" AQ aýmaǵynda jer astyna túsip ketken avtobýsty izdeý operatsiiasy týraly aitty, - dep habarlaidy "Ult aqparat" Tengrinews.kz saityna silteme jasap.
"Ondaǵy jaǵdai óte kúrdeli, aýyr, mamandar jerdi zerttep, avtobýstyń shamamen qai jerde ornalasqanyn anyqtady. Bul qurylǵy ol jerde shynymen metall bar ekenin kórsetedi, biraq, ókinishke qarai, avtobýstan keiin de bos oryn bar. Onda qutqarýshylar óte qiyn jaǵdaida jumys istep jatyr. Birinshiden, bul, árine, nólden tómen temperatýra. Ekinshiden, qutqarýshylar men jumysshylardyń óz ómiri men densaýlyǵyna qaýip bar. Eger, Qudai saqtasyn, topyraq jyljysa, adamdardy tartyp ketýi múmkin", - dedi ol.
Vitse-ministr qutqarýshylar avtobýstyń astynda qansha bos oryn baryn bilmeitinin, bul qutqarý jumystaryn odan ári qiyndatyp jatqanyn atap ótti.
"Árine, ol jerde barlyq qaýipsizdik sharasy saqtalǵan, búginde avtobýs jatqan jerdiń búiirinen tehnika túsirýge múmkindik týdy. Qazirdiń ózinde 2 myń tekshe metrden asa topyraq shyǵaryldy, keshe ǵana bes tekshe metrlik ekskavatordy túsirdik jáne ol dál avtobýstyń ústinde jatqan topyraqty aqyryn shyǵara bastady" - dedi Syzdyqov.
Sondai-aq jýrnalister ministrdiń orynbasarynan vedomstvonyń qandai boljamy bar ekenin surady.
"Jaqsy boljam bar. Biraq kúni men ýaqytyn aita almaimyz, óitkeni jaǵdai óte qiyn, operatsiia biregei.
Biz barlyq basqa eldiń tájiribesin zerttedik, shynyn aitý kerek, mundaidy esh jerden kezdestirgen joqpyz. Bul bizde - Qazaqstanda da birinshi ret", - dedi túsindirdi ol.
Eske sala keteiik, qańtar aiynyń basynda Pavlodar oblysynda adamdar mingen avtobýs shahta mańynda shuńqyrǵa qulap ketti. Shuńqyrdyń tereńdigi 150 metrdi quraidy. Kólikte tórt adam bolǵan, keiin eki adamnyń máiiti tabyldy. Avtobýstyń ózin jáne taǵy eki qyzmetkerdi – júrgizýshi men qutqarýshyny izdeý jumystary jalǵasyp jatyr.
