Sýret: Atameken.kz
Azamattardy bankrot dep taný – qaryzdy keshirý aktsiiasy emes. Sebebi, munyń zańmen retteletin saldary bar. Bul týraly elorda turǵyndarymen kezdesken Qarjy vitse-ministri Erjan Birjanov aitty, dep habarlaidy QazAqparat agenttigi.
«Bankrottyq ár azamattyń erkimen júzege asyrylady. Mysaly, úshinshi jaqtaǵy tulǵalar ózge adam úshin bankrottyqty qozǵai almaidy. Bul tek qana ár azamattyń erki bolýy kerek. Sebebi bankrottyq degen - qaryzdy keshirý aktsiiasy emes. Ony azamattar túsinýi kerek. Óitkeni onyń zańmen retteletin saldary bar. Bankrot dep tanylǵan adamdar 5 jyl nesie ala almaidy. Sonymen birge 7 jyldyń ishinde ózin qaitadan bankrot dep tanýǵa jatpaidy», - dep atap ótti Erjan Birjanov.
Onyń málimetinshe, qazaqstandyqtar 3 naýryzdan bastap bankrottyqqa ótinish bere alady.
Jalpy bankrottyq týraly zań rásimniń úsh túrin kózdeidi. Olar – sottan tys bankrottyq, sot arqyly bankrottyq jáne tólem qabilettiligin qalpyna keltirý.
