«Tsifrlandyrý, ǵalym jáne innovatsiialar esebinen tehnologiialyq serpilis» ulttyq jobasy aiasynda «Virtýaldy informatika muǵalimi» jobasy qolǵa alyndy, dep habarlaidy QazAqparat.
Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Ortalyq kommýnikatsiialar qyzmetinde ótken baspasóz máslihatynda aityp berdi.
«Barshamyzǵa belgili, keibir aýdan ortalyqtarynda nemese okrýgterde informatika nemese baǵdarlamalaý muǵalimderi jetispeidi jáne olardyń daiyndyq sapasy da kóńil kónshitpeidi. Sondyqtan bul máseleni sheshý úshin «Informatika» jáne «Baǵdarlamalaý» pánderi internet arqyly oqytýǵa anaǵurlym beiim bolǵandyqtan, Shyǵys Qazaqstan oblysyndaǵy 150 mektepte pilot joba iske asyrylýda. Bul tájiribe elimizdiń barlyq óńirine taratylady jáne barlyq balalar turǵylyqty jerine qaramastan informatika jáne baǵdarlamalaý boiynsha sapaly bilim ala alady», - dedi Baǵdat Mýsin.
Ministrdiń aitýynsha, jalpy IT indýstriiasy 3 negizgi elementten quralady, onyń birinshisi – adami kapitaldy damytý.
«Bizdiń sala úshin eń mańyzdysy – adami kapital. Iaǵni, baǵdarlamalaý tilderin biletin nemese analitika qabileti men matematika daǵdysy bar adamdar kóbirek bolýy qajet. Bul salada kóptegen mamandyqtar bar. Sondyqtan bizdiń sala úshin negizgi resýrs, negizgi shikizat – adami kapital dep aitamyz.
Ekinshi element – jobalar akseleratsiiasy. Iaǵni, akseleratsiia arqyly startaptarǵa nemese kásipkerlerge IT salasynda biznes júrgizýge barynsha daiyn bolý úshin kómek kórsetý. Úshinshi element – qajetti qarjylandyrýdy qamtamasyz etý. Eger osy 3 blok durys jumys istese, Prezidenttiń 2025 jyly 50 million dollar eksportqa qol jetkizý týraly tapsyrmasyna qol jetkize alamyz», - dep túsindirdi B. Mýsin.
