Tek qana joǵary suranystaǵy nómirlerdi bergennen memleket qazynasyna 44 mln teńge qarjy quiylmaǵan. Bul týraly Memlekettik kirister komiteti habarlady.
Shymkent qalasy boiynsha memlekettik kirister departamentimen, salyqtar jáne biýdjetke tólenentin basqa mindetti tólemderdiń tolyq eseptelýin, biýdjetke tólenýin qamtamasyz etý maqsatynda memlekettik bajdar men alymdardyń tólenýine únemi baqylaý júrgizilip otyrady.
Jaqyn arada ýákiletti organǵa tekserý júrgizý barysynda 148 kólik ieleriniń joǵary suranystaǵy (VIP nómir) memlekettik tirkeý nómirlerin bergennen 44,4 mln teńge memleket qazynasyna túspegendigi anyqtaldy.
Oǵan qosymsha 130 kólik iesinen mehanikalyq kólik quraldaryn bastapqy memlekettik tirkegeni úshin alynatyn 123,2 mln teńge alym biýdjetke túspegen.
Eńbekshi kóship kelýshilerden Qazaqstan Respýblikasy aýmaǵyna sheteldik jumys kúshin tartýǵa ruqsatty bergeni jáne (nemese) uzartqany úshin 155,1 mln teńge jeke tabys salyǵy biýdjetke túspegen.
Osyǵan orai, Memlekettik biýdjetke barlyǵy 320,0 mln teńgeden joǵary qarjy túspei otyr.
