Tanymal qazaqstandyq veloshabandoz ári «Astana» velokomandasynyń bas menedjeri Aleksandr Vinokýrov jemqorlyq aiybyna qatysty aqtalyp shyqty, dep habarlaidy "Ult aqparat".
«Men bul máselege núkte qoiylyp, sottyń ádil sheshim qabyldaǵanyna óte qýanyshtymyn. Biz tek jarqyn bolashaqqa qaraimyz! Biylǵy maýsymdy óte sátti ótkizdik. Alaida áli kóp jumys pen jospar bar. Demalmaimyz!», - dep jazdy veloshabandoz Instagram paraqshasynda.
Eske sala ketsek, Belgiianyń prokýratýrasy jaqynda qazaqstandyq Aleksandr Vinokýrov pen reseilik Aleksandr Kolobnevke sybailas jemqorlyqqa qatysty aiyp taqqan bolatyn. Belgiianyń Sudinfo.be basylymynyń habarlaýynsha, A.Vinokýrov 2010 jyly bedeldi «Lej - Baston - Lej» saiysynyń finalynda júlde alý úshin A. Kolobnevke 150 myń eýro tólegen.
Aita ketý kerek, A.Vinokýrov 2013 jyldan beri «Astana» komandasynyń bas menedjeri bolyp jumys isteidi. A.Kolobnev reseilik «Katiýsha» velokomandasynda. Tamyz aiynda A.Vinokýrov Belgiia prokýrorynyń jemqorlyq qylmysy boiynsha taǵylǵan aiyby negizsiz ekenin málimdegen bolatyn.
«Bul maǵan taǵylǵan negizsiz aiyp. Bizden eshteńe tappaǵannan keiin prokýror birdeńe oilap taýyp, baspasózge jariialaýǵa tyrysady. Bul durys emes. Munyń kimge paidaly ekenin de dóp basyp aita almaimyn », - dedi sol kezde Vinokýrov.
