Máskeýde Viktor Tsoidyń tólqujaty aýktsionanda 9 mln rýblge nemese qazaqstandyq valiýtamen eseptegende 49,5 mln teńgege satyldy, dep habarlaidy Baq.kz aqparat agenttigi.
«Lottyń bastapqy quny 2,5 mln rýblden (13,75 mln teńge) kem degende úsh ese ósti. Sovettik mýzykanttyń qoiyn dápteri 3 mln rýblge (16,5 mln teńge), "Hochý peremen!" ániniń qoljazbasy 3,6 mln rýblge (19,8 mln teńge) satyldy», - dep jazady TASS.
"Litfond" aýktsion úiiniń ókili habarlaǵandai, ánshiniń tólqujaty 9 mln rýblge satyldy.
Tsoiǵa qujat 8 aiǵa keshiktirilip 16 jasynda berilgen, onda onyń Marianna Rodovanskaiamen shańyraq kótergeni týraly Leningrad qalasynyń Máskeý aýdandyq AHAJ bóliminiń aqparaty tirkelgen.
"Litfondtyń" bas direktory Sergei Býrmistrovtyń aitýynsha, aýktsion ókiliniń mamandary IIM-ge suraý joldatyp, tólqujattyń jalǵan emes ekenin anyqtaityn saraptamadan ótkizip, dáleldegen.
Al, Tsoidyń tólqujatynda leningradtyq, máskeýlik rok-mýzykantardyń, onyń ishinde Boris Grebenshikovtyń, Maik Naýmenkonyń, Artemii Troitskiidiń jáne ózgelerdiń telefondary jazylǵan.
Viktor Tsoi – sovettik oryndaýshy, "Kino" tobynyń (1982-1990) negizin qalaýshy. "Zvezda po imeni Solntse", "Hochý peremen!", "Grýppa krovi", "Dalshe deistvovat býdem my" jáne t.b. ánderdiń avtory hám oryndaýshysy. 1962 jyly Leningradta týǵan, al 1990 jyly jol apatynan qaitys boldy. Sankt-Peterbýrgtegi Bogoslovsk ziratynda jerlengen.
