Búgin Almatydaǵy "Alataý" dástúrli óner teatrynda Qazaqstan musylmandary dini basqarmasy uiymdastyrǵan VII respýblikalyq Quran oqý jarysynyń qorytyndy rýhani keshi ótti, - dep habarlaidy "Ult aqparat" Almaty qalasy ortalyq meshitiniń baspasóz qyzmetine silteme jasap.
Biylǵy ótken VII respýblikalyq Quran oqý jarysynyń jeńimpazyna avtokólik tabys etildi.
"Din janashyrlary men demeýshileriniń qarjylai qoldaýymen ótken júlde qory 17 million teńge bolǵan saiysqa respýblika boiynsha 500-den asa jas qari qatysty. Qatysýshylar tórt baǵyt boiynsha baq synasty: Qurannyń 10 parasyn jatqa oqý (I oryn - Keneshbai Qýanysh Nurlanuly (Almaty óńiri) - 1 million teńge; II oryn - Seitqasym Erqanat Serikuly (Astana) - 750 myń teńge; III oryn - Myńjasov Arystan Qojambetuly (Mańǵystaý) - 500 myń teńge), Qurandy mánerlep oqý (I oryn - Týrdaqynuly Taken (Aqmola) - 500 myń teńge; II oryn - Bitenov Erlan Bazarbaiuly (Astana) - 300 myń teńge; III oryn - Bekturǵanov Baýbek Berdiǵaliuly (Almaty) - 150 myń teńge), 20 para Qurandy jatqa aitý (I oryn - Hokimov Mahmadrahim (SQO) - 1,5 million teńge; II oryn - Sateshov Saqi Muhtaruly (Mańǵystaý) - 1 million 250 myń teńge; III oryn - Qartbaev Salamat Alashuly (Aqtóbe) - 1 million teńge) jáne qasietti kitapty tolyq, 30 para jatqa oqý (Bas júlde - Naǵmanov Naǵim Serkuly (Mańǵystaý) - Avtokólik; II oryn - Hakimov Fazlidin Abdihýjauly (Astana) - 2 million teńge; III oryn - Jahsylykov Erkebulan Serjanuly (Jambyl) - 1,5 illion teńge)", - delingen baspasóz habarlamasynda.
Igi is-sharada Qazaqstan musylmandar dini basqarmasynyń basshysy, Bas múfti Serikbai qajy Satybaldyuly sóz sóiledi.
"Quran oqylǵan, oǵan amal etilgen úide, jerde, elde tynyshtyq ornaidy, Allanyń bereketi bolady. Budan túietin oi - Quransyz ómirdiń máni de sáni de joq. Paiǵambarymyzdyń (s.ǵ.s.) hadisinde: "Úilerińizde Quran Kárimdi kóp oqyńyzdar. Sebebi Quran oqylmaǵan úide jaqsylyq, bereke az bolady. Ondai úi-ishi árdaiym qiynshylyqta bolady. Iaǵni, ondai úide tynyshtyq bolmaidy", - degen. Qaraiǵan júrekterge nur berýshi - Quran ǵana", - dedi Serikbai qajy Satybaldyuly jinalǵan jamaǵatty jaqsylyqqa, izgilikke shaqyryp.
Keshte sóz alǵan belgili jazýshy Smaǵul Elýbai men Almaty qalasy ákiminiń keńesshisi Mamai Ahet jarysqa qatysqan qarilardy quttyqtap, izgi tilegin jetkizdi. Rýhani keshte belgili sazger Jáken Omarov arnaýyn oryndap berdi. Sondai-aq, rýhani án-kúi shyrqalyp, Qurannyń hikmetteri jaily beinerolik halyq nazaryna usynyldy. Sonymen qatar, árbir óńirlerden kelip qatysqan júldeli oryndarǵa ie bola almaǵan qarilarǵa arnaiy Alǵys hat pen 50 myń teńge kóleminde qarjylai syilyqtar tabystaldy.
