QR Premer-ministri Asqar Mamin veterinariialyq dárigerlerdi azamattyq qyzmetshiler laýazymdarynyń sanatyna engizý týraly pikir bildirdi, dep habarlaidy "Ult aqparat".
«Qazirgi ýaqytta «Veterinariia týraly» QR Zańy 11-babynyń 4-tarmaǵyna jáne «Memlekettik múlik týraly» QR Zańynyń 134-baby 2-tarmaǵy 18) tarmaqshasyna sáikes jergilikti atqarýshy organdardyń memlekettik veterinariialyq uiymdary QR zańnamasynda belgilengen tártippen memlekettik kommýnaldyq kásiporyndar nysanynda da, memlekettik kommýnaldyq mekemeler nysanynda da (mysaly, Mańǵystaý oblysynda) jumys isteidi. Osylaisha, JAO memlekettik veterinariialyq uiymdarynyń uiymdyq-quqyqtyq nysanyn oblystardyń, respýblikalyq mańyzy bar qalalardyń, astananyń JAO derbes aiqyndaidy», - dep jazdy Asqar Mamin depýtattyq saýalǵa bergen jaýabynda
Onyń aitýynsha, zańnamaǵa sáikes JAO memlekettik veterinariialyq uiymdarynyń veterinariialyq dárigerleri JAO memlekettik veterinariialyq uiymdaryn memlekettik kommýnaldyq mekemeler nysanynda qurǵan jaǵdaida azamattyq qyzmetshilerge jatqyzylýy múmkin.
«Azamattyq qyzmetshiler (bilikti jumysshylardy qospaǵanda), memlekettik biýdjet qarajaty esebinen ustalatyn uiym qyzmetkerleri laýazymdarynyń fýnktsionaldyq bloktar boiynsha jiktelimi jáne azamattyq qyzmetshilerge, memlekettik biýdjet qarajaty esebinen ustalatyn uiym qyzmetkerlerine, qazynalyq kásiporyndar qyzmetkerlerine eńbekaqy tóleý júiesi QR Úkimetiniń 2015 jylǵy 31 jeltoqsandaǵy № 1193 qaýlysymen aiqyndalǵan. Bul rette, laýazymdardyń bekitilgen jiktelimi qyzmet salasyna, bilimine, biliktilik deńgeiine, oryndalatyn jumystyń kúrdeliligine jáne jaýapkershilik dárejesine bailanysty basqarýshylyq, negizgi, ákimshilik jáne qosalqy personaldardan quralǵan.
Osyǵan bailanysty qoldanystaǵy zańnamaǵa sáikes, JAO memlekettik veterinariialyq uiymdarynyń dárigerleri JAO memlekettik veterinariialyq uiymdaryn memlekettik kommýnaldyq mekemeler nysanynda qurǵan jaǵdaida, olardy laýazymdardyń bekitilgen jiktelimine qosymsha qospai-aq, azamattyq qyzmetshilerge jatqyzylýy múmkin», - deidi A. Mamin.
