Vengriianyń Syrtqy ister jáne syrtqy saýda ministri Peter Siiiarto Túrkiia eliniń Syrtqy ister ministri Mevliýt Chavýshoǵlyǵa 2015 jyly Vengriia kedeninde tekserý kezinde alynǵan 412 tarihi jádigerdi tapsyrdy, dep habarlaidy "Ult aqparat" Anadoly aqparattyq agenttigine silteme jasap.
Vengriiaǵa resmi saparmen kelgen túrik diplomatiiasynyń basshysy Siiiartomen «kózbe kóz» formatyndaǵy kezdesý ótkizdi. Kelissózderden keiin delegatsiialardyń qatysýymen keńeitilgen quramdaǵy kezdesý boldy.
Kezdesý aiasynda Vengriia ministri 2015 jyly vengriialyq shekarada anyqtalǵan tarihi jádigerlerdi tapsyrdy.
Chavýshoǵly Vengriia biligine túrik halqynyń atynan alǵysyn bildirip, bul jádigerlerdi Túrkiiada taǵatsyzdana kútip otyrǵanyn málimdedi.
«Biz 2015 jyly Vengriia shekarasyndaǵy tekserý kezinde tabylǵan Anatoliia kezeńine jatqyzylatyn tarihi jádigerlerdi aldyq, endi ony elimizdiń mádeniet jáne týrizm ministri Mehmet Nýri Ersoiǵa tapsyramyz. Dostas Vengriia eline bul protseste qoldaý bildirgeni úshin alǵysymyzdy bildiremiz», - dep jazdy Chavýshoǵly Twitter-de.
Vengriianyń quqyq qorǵaý organdary bul jádigerlerdi 6 jylǵa jýyq ýaqyt buryn Túrkiia azamatynyń kóliktik quralyn tekserý kezinde anyqtaǵan.
Tabylǵan zattar týraly aqparat Túrkiianyń SIM-niń Interpol jáne Eýropolmen jumys júrgizý bólimine jiberilgen.
