Kastelonda (Ispaniia) bokstan qazaqstandyqtar da qatysyp jatqan halyqaralyq týrnir jalǵasýda. Qazaqstandyq boksshy Vasilii Levit frantsýz boksshysy Seidi Kýpemen jekpe-jekte jeńiske jetti, dep habarlaidy "Ult aqparat" Sports.kz saityna silteme jasap.
Jarysta 91 kelige deiingi salmaq dárejesinde Qazaqstan atynan Vasilii Levit shyǵady. Shirek finalda ol frantsýz boksshysy Seidi Kýpemen kezdesip, tóreshilerdiń biraýyzdan qabyldaǵan sheshimimen jeńiske jetti. Osylaisha, Levit jartylai finalǵa shyǵyp, osy týrnirde medal alatyndyǵy aiqyn boldy.
Vasilii Levit – Olimpiada oiyndarynyń kúmis júldegeri (2016), Álem chempionatynyń qola júldegeri (2017, 2019), Aziianyń úsh dúrkin chempiony (2009, 2015, 2017). Sonymen qatar ol Qazaqstan chempionatynda úsh ret (2009, 2015, 2017) jeńiske jetken.
