AQSh jáne Túrkiia basshylary kongrestiń joǵary palata ókilderimen birge F-35 istrebitelin qurastyrý baǵdarlamasy tóńiregindegi máselelerdi talqylady. Bul aqparatty AQSh prezidenti Donald Tramp sársenbi, 13 qarashada Túrkiia prezidenti Rejep Erdoǵanmen kezdeskennen keiin ótken baspasóz jiynynda aitty.
Túrkiia Reseidiń S-400 zenitti zymyran keshenin satyp alǵannan keiin Vashington Ankarany F-35 baǵdarlamasynan shyǵaryp tastaǵan. Bul baǵdarlamanyń bolashaǵyna toqtalǵan Tramp "áriptestikti jalǵastyrýdyń túrli amaldary bar" dedi.
"Biz bir amalyn qarastyramyz" dedi Tramp.
AQSh prezidenti sonymen qatar eki memlekettiń saýda-sattyq boiynsha áriptestikti damytýǵa beiil ekenin aitty. Kelissóz aldynda Tramp eki memleket arasyndaǵy saýda ainalymy 20 milliard dollar ekenin eske saldy. Bul kórsetkish 100 milliard dollarǵa deiin jetýi múmkin.
Qazan aiynyń basynda Túrkiia Siriia soltústiginde áskeri operatsiia bastaǵannan keiin eki memleket arasyndaǵy qarym-qatynas ýshyqqan.
