Vaktsina alǵan adamnyń boiynda immýndyq jaýap pen antideneler 2-3 aptada qalyptasa bastaidy, dep habarlaidy QazAqparat.
Bul týraly Respýblikalyq diagnostikalyq ortalyqtyń klinikalyq immýnologiia, allergologiia jáne pýlmonologiia bóliminiń meńgerýshisi, meditsina ǵylymdarynyń doktory Elena Kovzel aitty.
«Immýndyq jaýaptyń ózi, qorǵanys immýndyq antideneleri 2-3 aptada qalyptasa bastaidy. «M»-immýnoglobýlinniń alǵashqy qorǵanysh antideneleri vaktsinatsiiadan keiin 7-8 kúnde óne bastaidy. Al biz alǵymyz keletin immýnitet eki-úsh aptadan keiin qalyptasady. Vaktsinanyń ekinshi dozasy osy sebepti úshinshi aptada engiziledi», - dedi ǵalym onlain dáris barysynda.
Elena Kovzel vaktsinatsiia qalyptastyrǵan immýnitettiń qansha ýaqyt saqtalatynyn da aitty.
«Bul vaktsina tumaýǵa qarsy vaktsina siiaqty jumys isteidi. Ózderińiz biletindei, biz jyl saiyn tumaýǵa qarsy vaktsina alamyz. Kútiletin eń joǵary immýndyq jaýap, árine, eki jyl. Immýndyq reaktsiianyń ózi jasýshalyq jáne gýmoraldy bolyp bólinedi. Jasýshalyq jad ómir boiyna qalady. Biraq bul virýstan tolyq qorǵaný úshin jetkiliksiz jáne gýmoraldy immýndyq jaýap siiaqty tez jumys istemeidi. Eger biz qalypty immýndyq reaktsiiany qarastyratyn bolsaq, eki jylǵa sozylady», - dedi maman.
