«Jalpy epidemiologiialyq jaǵdai turaqty dep aitýǵa bolady. Kún saiyn tirkeletin koronovirýspen aýyrǵandar sany kóbeiip jatqan joq. Infektsiialyq aýrýhanalardaǵy tósek-oryndar 23 paiyzǵa, reanimatsiialyq oryndar 20 paiyzǵa tolyq», - dep atap ótti Premer-Ministr búgin Úkimet otyrysynda.

Onyń dereginshe, «sary» aimaqta – 6 óńir, «jasyl» aimaqta 11 óńir bar.

«Qazirgi ýaqytta 8,8 millionnan astam adam 1-komponentti (koronavirýs vaktsinasy - red.) saldyrdy. Bul 18 jastan asqan adamdardyń 78 paiyzyna jýyq. 8,3 millionnan astam adam 2-komponent saldyrdy. Bul shamamen – 73 paiyz. Betperde rejimin, áleýmettik araqashyqtyqty saqtaýdy jalǵastyryp, vaktsinalaý jáne revaktsinalaý qarqynyn kúsheitý qajet», - degen Asqar Mamin jalpy baqylaýdy orynbasary Eraly Toǵjanovqa júktedi.