Almaty qalasy qoǵamdyq densaýlyq saqtaý basqarmasynyń ókili, telemeditsina direktory Laýra Myrzaǵali onlain brifing barysynda koronavirýsqa qarsy vaktsina saldyrǵannan keiin qalai kútiný keregin túsindirdi, dep habarlaidy QazAqparat.
Onyń aitýynsha, vaktsina ár adamǵa ártúrli áser etedi.
«Koronavirýs vaktsinasy adamnyń aǵzasyna qarai reaktsiia beredi. Bireýde jeńil, endi bireýinde aýyr ótýi múmkin. Men de vaktsina saldyrdym. Jeńil ótti. Tek orny ǵana aýyrdy. Al menimen birge saldyrǵan áriptesterimniń keibireýiniń dene qyzýy kóterildi, endi birinde qaltyraý boldy», - deidi spiker.
Sonymen qatar, ol ekpeden keiin kútiný kerektigin basa aitty.
«Dene qyzýy kóterilse, ony túsirýge kómektesetin dáriler bolady. Olar antibiotik emes, dene qyzýyn túsirýge arnalǵan paratsetamol, ibýprofen sekildi preparattar. Solardy ishýge bolady. Monshaǵa baryp, sportpen ainalysýǵa da ruqsat. Biraq birinshi kezekte dene qyzýyn túsirý kerek. Odan keiin vaktsina saldyrǵannan keiin úsh kúndei monshaǵa túsýge, sý tigizýge bolmaidy. Sol tártipti saqtaý qajet. Odan keiin adamnyń jaǵdaiyna qarai shomylýǵa bolady. Ár nárse óz ornymen», - deidi Laýra Myrzaǵali.
